Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vota e Vangjel Tavos, Edmond Panariti i kërkon Taulant Ballës: Mos manipulo videon e seancës plenare

Politiko 9 Korrik 2018, 20:20
Vota e Vangjel Tavos, Edmond Panariti i kërkon Taulant Ballës: Mos

Deputeti i PS, Taulant Balla insiston se votimi i projektligjit që i hap rrugë shembjes së Teatrit Kombëtar ishte i rregullt dhe se pretendimet e PD dhe LSI se deputeti  Robert Bitri ka votuar në emër të kolegut Vangjjel Tavo nuk qëndorjnë.

Balla ka publikuar edhe një video, ku pretendon se kanë qenë vetë deputetët e LSI-së, të cilët kanë përdorur kartonin e Tavos, duke e vendosur tek tavolina e Robert Bitrit, i cili është larguar nga grupi parlamentar i LSI-së.

“Opozita (PD&LSI) bojkotuan sot Kuvendin me arsyetimin se ka ndodhur një gjëmë e rëndë, për shkak se deputeti Robert Bitri ka votuar në vendvotimin e tij, pa ditur se dikush tjetër prej kolegëve të tij në ish-Grupin Parlamentar (LSI), i kishte ndërruar kartën e aksesit në votim, duke i vendosur në vendvotimin e tij kartën e kolegut Vangjel Tavo.  Pavarësisht se kjo nuk ka ndikuar në rezultatin përfundimtar të votimit. Tani shikoni pamjet filmike që Sekretariati i Votimit mori në shqyrtim. Duket qartë se kush janë deputetët që marrin pjesë në “aksionin’ për ndryshimin e kartës dhe duket gjithshtu edhe momenti kur deputeti Robert Bitri ushtron mandatin e tij për të votuar në vendvotimin e vet. Më vjen keq për Profesor Panaritin që është përfshirë në këtë skenar. Po tani ka ndonjë ndjesë publike ndaj qytetarëve për bojkotimin e punës nga deputetët e opozitës, edhe pse po ata janë fajtorë të kësaj situate?  Gjeni arsye tjetër për bojkot!!! Por jo këtë që e prodhuat vetë”, shkruan Balla.

Por menjëherë pas kësaj video, ka reaguar edhe deputeti i LSI-së, Edmond Panariti, i cili sqaron se si qëndron e vërteta. Sipas tij karta e zotit Tavo është vendosur në vendin ku qëndron Robert Bitri, pasi ky i fundit nuk është më pjesë e grupit parlamentar. Më tej shton se në videon e plotë, ku fton Ballën ta bëjë publike, shihet qartë se si Bitri largon kartën e Tavos dhe përdor kartën e tij.

“Ftoj zotin Balla, te publikoje te plote videosekuencat e seances dhe veçanërisht momentin kur zoti Bitri, vjen ne seance edhe ulet ne postin e tij. Aty do te shihni qarte se si zoti Bitri, pasi ulet ne karrige, e largon karten e deputetit Tavo dhe perdor karten e tij. Vendosja e kartes se zotit Tavo ne postin e z. Bitri, ishte propozim per zevendesimin e tij ne formatin e grupit, pas largimit te tij nga LSI. Kjo është e verteta”, ka sqaruar Panariti.

Të fundit