Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Votat nuk i kemi, por do ja dalim", Rama mesazh të koduar për Bashën e Kryemadhin

Politiko 10 Qershor 2020, 17:16

"Votat nuk i kemi, por do ja dalim", Rama mesazh të koduar

Në konferencën e sotme për eurobondin, Rama nuk ka kursyer as komentet për situatën politike në vend, dhe marrëveshjen e arritur për miratimin e Reformës Zgjedhore.

Rama- me fjalë të tjera- ka treguar se pavarësisht marrëveshjes, kalimi i reformës zgjedhore në Kuvend kërkon shumicë të cilësuar me 84 vota, çka do të thotë se mazhoranca nuk mund ta votoj pa opozitën parlamentare. Në këtë pikë, Rama i dërgoi një mesazh liderit të opozitës Basha e kryetares së LSI-së, Kryemadhi, të cilët ishin pjesë e marrëveshjes, duke iu kujtuar se deputetët që janë brenda Kuvendit janë pjesa e partisë së tyre dhe se nuk shkon që këta jashtë të bëjnë marrëveshje dhe pjesa e Parlamentit të nxjerrin shpatat.

“Aman kur flisni për deputetët që janë në parlament mos harroni që janë të Bashës e Kryemadhit. Kush i sheh si persona që janë shfaqur aty e harron historinë e shkurtër se janë aty të zgjedhur nga Lulzim Basha e Kryemadhi.

Kur flasim për listat e hapura se janë element çudibërës për të rritur lirinë e demokracinë, mos harroni se ca janë aty sot janë pjesë e listës. Gjuzi apo Ngjala, ky apo ajo. Ne jemi këtu që ta çojmë përpara këtë proces, ta mbyllim në mënyrë të ndershme, dinjitoze jo duke u futur në historia kap njërin e kap tjetrin, nuk shkon që në rrugë të bësh konsensus dhe në Parlament të shkosh me shpatë. Votat nuk i kemi por do t’i bëjmë”, ka thënë Rama.

Kujtojmë se, deputetët e opozitës parlamentare kanë paralajmëruar se nuk do ta votojnë një Kod të arnuar zgjedhor, pa u marrë parasysh disa çështje si: ndryshimi i sistemit zgjedhor (lista të hapura), depolitizomi i administratës zgjedhore dhe votimin e emigrantëve. Ata pritet të zhvillojnë një takim me kryeministrin Rama rreth orës 19:00 referuar kësaj çështje.

“Shumë njerëz nuk janë dakord me mua se donin të vijonim duke adresuar me të vërtetë rekomandimet e OSBE-ODIHR por ata duhet të na kuptojnë se e bëmë për të ndryshuar klimën. Kjo është një çështje që nuk e kemi ne në dorë. Ne dhamë dakordësi që të hiqnim mundësinë për të gjetur sebepe ata. Kjo dakordësi do kalojë në Parlament. Ne i qëndrojmë asaj, e di që s’do jetë fushë me lule por ne do i qëndrojmë marrëveshjes. Ne do dëgjojmë, do jemi konstruktivë. Të gjithë ne duhet të kalojmë në një stad tjetër maturimi, nuk kemi pse mblidhemi nëpër ambasada për të bërë marrëveshje që të mbetemi kështu sic jemi. Të mblidhesh te shtëpia e një miku të madh dhe të dalësh pas tre ditësh me qëndrimin jemi mirë ashtu sic ishim edhe ai miku i madh thotë ore po pse ia hapëm ne shtëpinë këtyre?! E shoh më të lehtësuar mikun tim (Bashën) do shikojmë si do të ecim që të kalojmë në një kuptim më të gjërë. Ne s’paskemi të drejtë të kërkojmë asgjë tjetër veç detyrimin të shpërndajmë karamele, llokume, ballakume e mish. Aman kur flisni për deputetët që janë në parlament mos harroni që janë të Bashës e Kryemadhit. Kush i sheh si persona që janë shfaqur aty e harron historinë e shkurtër se janë aty të zgjedhur nga Lulzim Basha e Kryemadhi.