Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Votimi në Eurovision tregoi dështimin e RTSH në promovimin e këngës së Eugent Bushpepës

Politiko 14 Maj 2018, 19:57

Në finalen e Lisbonës, kënga ‘Mall’ e Eugent Bushpepës arriti të merrte pikë nga 20 juri të shteteve të ndryshme, me Azerbajxhanin që ishte i vetmi që i dha 12 pikë.

Me 126 pikë të grumbulluara nga juria, Shqipëria u rendit fillimisht në vendin e shtatë, megjithatë, situata ndryshoi për keq kur në sistem u hodhën votat e publikut, duke zbritur në vend të 11.

Ndryshe nga juria, për Eugent Bushpepën kanë votuar dëgjuesit e Eurovision vetëm në tetë shtete të ndryshme.

Shqipëria arriti të merrte pikë nga publiku italian, maqedonas, grek, malazez, zviceran, kroat, austriak dhe slloven. Në shumicën e këtyre shteteve, mbështetje më e madhe mendohet të ketë ardhur nga komunitetet shqiptare që jetojnë atje.

126 pikë të grumbulluara nga juria dhe vetëm 58 pikë të grumbulluara nga votat e publikut, tregojnë se Shqipëria dhe më specifikisht, Radio Televizioni Shqiptar ka dështuar në promovimin e këngës së Eugent Bushpepës te publiku evropian.

Ndonëse vendi ynë është i pari që përzgjedh këngën përfaqësuese në Eurovision, publiciteti edhe këtë vit ka dështuar.

Për këngën e Shqipërisë nuk flitej pothuajse fare deri kur vokali i Eugentit surprizoi me qindra të pranishëm në koncertin e Amsterdamit, më 14 prill, më pak se një muaj nga gjysmëfinalja e Eurovision. Vetëm atëherë publiku evropian filloi të njihej me këngën shqiptare.

Momenti i dytë ishin provat në skenën e Lisbonës, aty ku Shqipëria duket se ka marrë edhe votat e jurive të shumë shteteve.

Por ndryshe nga përfaqësuesit e jurive që kanë më shumë mundësi të njihen me këngët pjesëmarrëse, njohja e publikut evropian me këngën e një shteti të vogël si Shqipëria dhe për më tepër e kënduar në gjuhën shqipe, kërkon një angazhim më të madh të RTSH në promovimin e saj, që edhe këtë vit ishte i mangët.

Zbardhen votat/ Publiku italian votoi Eguent Bushpepën me 12 pikë, juria i dha 0 pikë; situatë e ngjashme në Maqedoni, Greqi dhe Zvicër

Juria shqiptare i dha 3 pikë, por si e votoi publiku shqiptar Serbinë në Eurovision

-Votat e publikut në 8 shtete për Shqipërinë

-Votat e jurive të 20 shteteve për Shqipërinë

Të fundit