Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

"Votimi përmes postës, më i pranueshëm", Gjiknuri: E rëndësishme që procesi të mos molepset nga palët politike

Politiko 22 Qershor 2020, 18:45

"Votimi përmes postës, më i pranueshëm", Gjiknuri:

Përfaqësuesi i mazhorancës në tryezën e Reformës Zgjdhore, Damian Gjiknuri gjatë takimit on-line me Këshillin Koordinues të Diasporës, është shprehur se kjo e drejta e votës së emigrantëve është e sanksionuar me ligj, ndërsa procesi ka mbetur në dorë të KQZ-së.

Gjiknuri është shprehur se ky është një proces shumë i rëndësishëm dhe se për të garantuar mbarëvajtjen e tij është mirë që të merret hap pas hapi.

“Imagjinoni sikur në vetvete ky proces të molepsej. Më falni kjo mund të ndodhi por në Shqipëri. Kur një pale nuk i pëlqen rezultati fillon dhe e nxin procesin. Ndryshe do të hapej një diskutim që vë në dyshim votën e emigrantëve. Këtë nuk duhet ta lejojmë. Kështu që më mirë ta bëjmë me kujdes këtë proces, ta zhvillojmë në mënyrë të integruar, me qëllim që këtë të drejtë ta gëzojmë për shumë kohë. Ndryshe nëse politizohet shumë problemi, nëse ka akuza dhe ky proces nuk funksionon sic duhet, kam frikë që do të hapet edhe ky debat”.

Gjiknuri thekson se, edhe nëse për herë të parë nuk i arrijmë pritshmëritë, pra nëse janë një numër i vogël votuesish nga jashtë, e rëndësishme është që kemi startuar një proces dhe se infrastruktura është ajo çka ka rëndësi.

“Duhet të kemi parasysh që këtu kemi të bëjmë me nje proces të gjatë sepse sështë e mundur që përnjëherë një milionë e ca qytetarë që jetojnë jashtë të hedhin votën e tyre në këto zgjdhje. Është e pamundur. Pra e rëndësishme është që të vendosim parimin dhe më pas e drejta e votës fillon dhe kolaudohet. Pra e drejta e shqiptarëve që jetojnë jashtë vendit, është shumë e rëndësishme që fillimisht të jetë e garantuar, dhe më pas ata vetë do të jenë më shumë aktiv kur të shohin që vota e tyre ka vlerë. Kështu nga zgjdhjet në zgjedhje unë shpresoj që numri i tyre të shtohet. Por infrastruktura është ajo që ka rëndësi”.

“Ne të drejtën e votës së emigrantëve dhe parimin e votimit të personave që jetojnë jashtë vendit e kemi quajtur me ligj “Votimi nga jashtë vendit”. Pra çdo shtetas shqiptar i cili është pjesë e listës zgjedhore, i regjistruar në regjistrin kombëtar të gjendjes civile e ushtron këtë të drejtë përmes dy rrugëve të parashikuara nga ligji; ose përmes votimit elektronik, nëse do të kemi ndonjëherë një të tillë pasi dihet që ky lloj votimi ka shumë kundërshti dhe has shumë debate; ose së dyti, opsioni më i pranueshëm është përmes postës.

Si përfaqësuesi i mazhorancës dua të them një diça shumë të rëndësishme që harrohet. Çështja e vullnetit të përfshirjes së votimit nga jashtë, nuk është thjesht çështje vullneti politik dhe që palët bien dakord. Po biem dakord për një gjë që mund të mos realizohet. Mirëpo fakti që qeveria shqiptare ka bërë një legjislacion dhe ka ngritur një infrastrukturë për të regjistruar njerëz të cilët mund të votojnë, kjo është kyçi, kjo e bën diferencën. Mund të flasim ne gjithë ditën këtu, por kur të vij momenti për të ndikuar tek njerëzit që të marrin pjesë në votime aktive në Shqipëri, ata do të marrin pjesë aktive, duke u regjistruar. Nuk është një e drejtë kjo që e gëzon duke ndenjur në shtëpi dhe duke mos treguar vullnet. Dua të them se, duhet të ndiqen ato procedura, dhe këtu ka ndikim edhe vetë Ministri i Diasporës me autoritetet përkatëse Ministri e Jashtëme dhe Ministri e Brendëshme, që shtetasit shqiptar me banim jashtë vendit të regjistrohen pasi që deri më sot shumë pak raste, nuk jam i sigurt, ka ndodhur që shtetasit të shprehin gatishmërinë për tu regjistruar.

KQZ, që është edhe organi i specializuar, në bashkëpunim me organizatat tuaja të bashkëpunoni për regjistrimin e qytetarëve. Këtu ju si organizata mund të kini edhe rolin tuaj. Por edhe unë më mbarimin e rolit në tryezën e Reformës Zgjedhore, shpresoj që të jem aktiv që kjo gjë të shkojë me sukses siç duhet dhe do të kem edhe unë rolin tim që ky proces të zhvillohet hap pas hapi.

Fillimisht është e rëndësishme të vendosim parimin, të fillojmë duke u regjistruar dhe të hedhin votën ata njerëz që me të vërtetë janë regjistruar.

Duhet të kemi parasysh që këtu kemi të bëjmë me nje proces të gjatë sepse sështë e mundur që përnjëherë një milionë e ca qytetarë që jetojnë jashtë të hedhin votën e tyre në këto zgjdhje. Është e pamundur. Pra e rëndësishme është që të vendosim parimin dhe më pas e drejta e votës fillon dhe kolaudohet. Pra e drejta e shqiptarëve që jetojnë jashtë vendit, është shumë e rëndësishme që fillimisht të jetë e garantuar, dhe më pas ata vetë do të jenë më shumë aktiv kur të shohin që vota e tyre ka vlerë. Kështu nga zgjdhjet në zgjedhje unë shpresoj që numri i tyre të shtohet. Por infrastruktura ka rëndësi. Imagjinoni sikur në vetvete ky proces të molepsej. Më falni kjo mund të ndodhi por në Shqipëri. kur një pale nuk i pëlqen rezultati fillon dhe e nxin procesin. Ndryshe do të hapej një diskutim që vë në dyshim votën e emigrantëve. Këtë nuk duhet ta lejojmë. Kështu që më mirë ta bëjmë me kujdes këtë proces, ta zhvillojmë në mënyrë të integruar, me qëllim që këtë të drejtë ta gëzojmë për shumë kohë. Ndryshe nëse politizohet shumë problemi, nëse ka akuza dhe ky proces nuk funksionon sic duhet, kam frikë që do të hapet edhe ky debat që mund të mos na pëlqej pastaj, as juve as ne. Si përfundim, dua të them që parimet janë të sanksionuara me ligj, çdo gjë tjetër nga pikëpamja proceduriale i është lënë në dorë Komisionit të Zgjedhjeve”, ka thënë Gjiknuri.