Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

OP-ED

Votojmë në 30 Korrik…

Politiko 14 Korrik 2020, 13:59

nga Igli Tola

Zgjedhjet e datës 30 korrik, përveçse janë të ligjshme, mbi të gjitha janë të domosdoshme për të bërë të mundur që Universiteti të fillojë të drejtohet me përgjegjësi dhe kompetencë. Studentët e stafet pedagogjike kanë mundësinë të zgjedhin mes platformave që u serviren dhe të zgjedhin (votojnë) atë që e konsiderojnë si më adekuaten për mirë-qeverisjen e Universitetit.

Kushtet aktuale dihet se nuk janë më të mirat e mundshme për të mbajtur një procëes zgjedhor, por mjafton vetëm shembulli i fqinjit tonë lindor, Maqedonisë së Veriut, ku populi do t’u drejtohet kutive të votimit të mërkurën për të zgjedhur qeverinë e re. Ndaj, edhe ne, nën këtë shembull duhet të legjtimojmë procesin, të njihemi me kandidaturat, t’i vlerësojmë me objektivitet për ato çfarë na paraqesin dhe në 30 Korrik të përmbushim detyrën tonë qytetare.

Ne si pjesëmarrës së botës akademike, qoftë studentë apo pedagogë, kemi një mundësi të jashtëzakonshme në dorë, t’i japim një leksion demokracie edhe politikës. Leksion që mund t'ua imponojmë politikanëve ta përdorin në zgjedhjet e vitit të ardhshëm. Kandidaturat që janë në garë për poste drejtuese në Univeristet vijnë me një CV të pasur, figura publike të respektuara në masë, me platforma konkrete etj; të njëjtën nivel pjesëmmarje do të mund t'ia kërkojmë edhe klasës politike nesër. Njëkohësisht, finalizimi i procesit me sukses dhe pjesëmarrje masive të studentëve në votime, do t’i ngarkojë të zgjedhurit e rinj me një përgjegjësi dhe përkushtim akoma më të madh për të përmbushur çdo premtim dhe pikë të platformës së tyre.

Jemi të gjithë koshient se ndryshimet dhe reformat më të madha, historikisht, kanë ndodhur duke qenë pjesë e sistemit. Çdo ide dhe pretendim për 'zgjidhje-presion' joinstitucionale, nuk synon asgjë më tepër veçse ta dëmtojë akoma më tepër pozitën e Universitetit. Nuk kemi pse të dalim çdo herë në protesta, të humbasim ditë e muaj të vyera nga leksionet e seminaret në shkollë, për të ndryshuar dhe zhvilluar Universitetin; kur kemi mundësi që në 30 Korrik të fillojë reformimi i Universitetit, për ta bërë atë të eci më tej në rrugën e europianizimit. Me zgjedhjen e strukturave të reja drejtuese të Universitetit, sapo të dalin rezultatet e votimit, duke filluar nga dita e parë post-zgjedhore (e premtja e 31 Korrikut) të ngremë ura komunikimi efektive me struktukturat e reja, të përdorim çdo hapësirë ligjore për tu bërë pjesë e ndryshimit. Ndërkohë, 'mundësia e artë' është që në bashkëpunim me drejtuesit e rinj të detajohen pikat e platformave dhe të punohet bashkarisht në realizimin e tyre.

Ndaj, në 30 korrik, të gjejmë 10 minuta të votojmë dhe bëhemi pjesë e ndryshimit kaq shumë të dëshiruar. Askush më mirë se ne nuk e di sesi duhet të jetë Universiteti, çfarë duhet përmirësuar në infrastukturë, mësimdhënie, kurrikula etj; ndaj duke mos votuar thjesht 'zëri' ynë nuk dëgjohet. Vetem duke marrë pjesë në këtë proces legjitim i japim 'zë' ideve dhe ëndrrave tona për një Universitet dhe arsim ndryshe, avangardë dhe, pse jo, konkurrent në nivel rajonal e më gjerë.