Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja e Ibrahim Bashës. Tërhiqen dëshmitarët: Ishim nën presion, jemi rrahur

Politiko 6 Korrik 2017, 08:06
Vrasja e Ibrahim Bashës. Tërhiqen dëshmitarët: Ishim

Dy dëshmitarët e mbrojtur në dosjen për vrasjen e efektivit Ibrahim Basha , Elvis Kaça dhe Klodian Selimi janë tërhequr nga bashkëpunimi me drejtësinë.

Të rinjtë kanë pohuar para gjykatës se deklarimet që kishin dhënë më parë për skenarin e vrasjes së efektivit të policisë, por edhe për nxjerrjen e emrave të shokëve të tyre, i kanë bërë pasi ndodheshin në presionin e policisë. Po ashtu, ata pohuan në gjykatë se emrat e shokëve i kishin treguar edhe nga dhuna që ishte ushtruar ndaj tyre. Dalja nga bashkëpunimi i dy dëshmitarëve të drejtësisë u konfirmua gjatë gjykimit që ka nisur nga fillimi, edhe pse prokuroria për këtë dosje kërkoi tri burgime të përjetshme dhe 117 vjet heqje lirie në total. Kështu, kur dosja u kthye vetëm kur ishte shumë pak hapa larg dhënies së vendimit përfundimtar ndaj të pandehurve. Pavarësisht kësaj, 10 nga të pandehurit e dosjes insistuan sërish për gjykimin e shkurtuar. Ndërsa, i vetmi person që vazhdon të kërkojë që gjykimi ndaj tij të vijojë i zakonshëm është i pandehuri Elvis Boçia.

Ky i fundit gjatë gjithë kohës pretendon se nuk ka lidhje me vrasjen e efektivit dhe se nuk është i përfshirë në asnjë moment në të. Ai pretendon se në momentin që ka ndodhur ngjarja nuk ndodhej aty, por në banesën e tij duke dëgjuar muzikë. Të njëjtën gjë pohoi dje edhe avokati Ilir Murati, i cili tha se klienti i tij nuk ka lidhje me këtë ngjarje dhe se po ngatërrohet me një tjetër person, që as nuk është arrestuar dhe as nuk është i shpallur në kërkim. “Ka të dhëna se është një person tjetër, që nuk është i arrestuar dhe nuk është në kërkim. Kjo është detyrë e prokurorisë dhe policisë për ta hetuar”, deklaroi për mediat avokati, Ilir Murati.

Fillimisht, avokati kërkoi që si dëshmitarë të thirreshin të gjithë banorët e fshatit Lazarat, por më pas rrethi i dëshmitarëve u ngushtua, ndërsa kërkoi që të shfaqeshin edhe pamjet e marra nga një kamera sigurie ku shfaqeshin pesë persona të armatosur.

Në seancën e ardhshme pritet që në gjykatë të dëshmojnë 7 persona, të gjithë oficerë policie, që ishin në vendngjarje kur u vra efektivi Ibrahim Basha, si edhe oficerë të tjerë që kishin përpiluar planin e patrullimit në fshatin Lazarat. Mes efektivëve që do të dëshmojnë janë edhe Jetmir Isaj dhe Perlat Hamitaj, të cilët mbetën të plagosur. GSH

Të fundit