Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Vrasja e Kastriot Reçit, AMA: Nuk rezulton pronar, televizionit “M+” i është hequr licenca
Pas vrasjes së Kastriot Reçit, i cili sipas informacioneve fillestare njihej si pronari i një televizioni lokal në Lezhë të quajtur “Media Plus”, ka reaguar edhe Autoriteti i Medias Audiovizive.
Nëpërmjet një reagimi në faqen zyrtare, AMA ka shprehur ngushëllime për familjarët e viktimës, ndërkohë që ka theksuar se Rreçi nuk rezulton të jetë pronar i ndonjë televizioni.
Sipas AMA-s, Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018.
Reagimi i plotë:
Autoriteti i Mediave Audiovizive (AMA), shpreh keqardhje për humbjen e jetës së shtetasit Kastriot Reçi dhe i shpreh ngushëllimet më të sinqerta familjes.
AMA në përgjigje të interesit publik, sqaron se shtetasi Kastriot Reçi nuk rezulton të jetë pronar i asnjë televizioni apo subjekti tjetër.
Kastriot Reçi ka qenë ortak i televizionit “M+”, të cilit i është hequr licenca me vendim Bordi të AMA-s në vitin 2018.