Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Vrasja në Kamëz, dalin pamjet kur qëllohet me armë çifti Buci, e shkuara e errët e njërit prej autorëve

Politiko 27 Prill 2018, 13:03

Vrasja në Kamëz, dalin pamjet kur qëllohet me armë

Policia e Tiranës ka mundur të zbardhë vrasjen e dy netëve më parë, ku mbeti i vdekur pronari i një minimarketi, Agim Buci dhe u plagos në këmbë gruaja e tij, Merita.

Policia ka arrestuar dy autorët e dyshuar, Vladimir Kurti 28 vjeç dhe Rruzhdi Hotin 25 vjeç.

Policia ka publikuar pamjet nga kamerat e sigurisë së marketit, në momentin kur dy agresorët kanë hyrë në dyan dhe kanë qëlluar më armë çiftin Buci. Po ashtu, në një konferencë për shtyp, drejtori i Drejtorisë Vendore të Policisë Tiranë, Kastriot Skënderaj jep detaje nga operacioni për arrestimin e dy autorëve.

Deklarata e plotë:

Sot gjatë orëve të para të mëngjesit, Policia e Tiranës në bashkëpunim të ngushtë me Prokurorinë e Rrethit Gjyqësor Tiranë, finalizuan me sukses operacionin e koduar “Hijet” duke zbardhur dhe dokumentuar autorësinë e ngjarjes të ngjarjes së ndodhur 2 ditë më parë në Kamëz, ku gjatë vjedhjes me armë mbeti i vrarë shtetasi A. B., dhe u plagos bashkëshortja e tij, R. B.

Operacioni është rezultat i punës profesionale të pandërprerë, duke vlerësuar maksimalisht informacionet e mbledhura si dhe provat e administruara nga grupi i posaçëm hetimor.

Si rezultat i hetimeve të deritanishme, rezulton se autorë të dyshuar kësaj ngjarjeje janë 2 shtetasit:

Vladimir Kurti, 28 vjeç, banues në Tiranë.

Rruzhdi Hoti 25 vjeç, banues në Tiranë.

Ata ndodhen aktualisht të ndaluar nga policia mbi bazën e urdhërave të dala nga Prokuroria.

Nga hetimet rezulton se i dyshuari Kurti ka kryer ekzekutimin me armë zjarri të shtetasit Buci dhe plagosjen e bashkëshortes së tij.

Në cilësinë e provës materiale është sekuestruar automjeti tip “Volklsvagen”, me të cilin autorët kanë shkuar dhe më pas janë larguar nga vendi i ngjarjes, veshjet dhe dorezat e përdoruara në vendngjarje. Ndërkohë vijojnë kërkimet për gjetjen e provave të tjera materiale.

Materialet për këtë ngjarje do t’i kalojnë për veprime të mëtejshme Prokurorisë Prokurorisë Pranë Gjykatës së Shkallës së Parë Tiranë për veprat penale të “Vjedhjes me armë me pasojë vdekjen” e kryer në bashkëpunim dhe “Prodhimi e mbajtja pa leje e armëve dhe municioneve luftarake”.

Policia e Shtetit, duke falënderuar qytetarët dhe mediat për bashkëpunimin, shprehet e vendosur të godasë me Forcën e Ligjit çdo akt, grup kriminal apo paligjshmëri, për të ndërtuar së bashku një Shqipëri më të mirë dhe të sigurt.

Kush është Vladimir Kurti

I riu nuk është emër i panjohohur për policinë. 28-vjeçari nga Burreli ka qenë i dënuar më parë për grabitje me dhunë, ka pranuar krimin përpara grupit hetimor, ndërsa ka rrëfyer edhe vendin ku fshehën armën tip pistoletë pas ngjarjes. Ai ka qenë i dënuar në vitin 2010 me 5 vite burg për vjedhje.