Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Vuçiç beson se taksa ndaj produkteve serbe do të hiqet kur të formohet qeveria e re
Presidenti i Serbisë Aleksandar Vuçiç mendon se taksa 100% e vendosur për produktet serbe dhe boshnjake do të hiqet, kur të formohet qeveria e re e Kosovës. Deklarata e kreut të shtetit serb u bë në Davos të Zvicrës, ku po zhvillohet punimet Forumi Ekonomik Botëror.
"Besoj se (taksa) është e paqëndrueshme dhe se, me formimin e qeverisë në Prishtinë, një pjesë e problemit do të zgjidhet. Kushdo që e formon qeverinë... Është e qartë se pa Listën Serbe ajo nuk do të bëhet dhe heqja e taksës do të jetë një nga kërkesat kryesore të Listës Serbe", tha Vuçiç, i cili mohoi që të ketë bërë një takim me homologun tij kosovar, Hashim Thaçi.
Taksa 100% për produktet serbe dhe boshnjake u vendos në fund të vitit 2018.
Bashkimi Evropian dhe SHBA-ja kanë bërë thirrje që autoritetet kosovare ta heqin, por deri më tani, kjo nuk ka ndodhur. Kjo ka sjellë një tensionim të mëtejshëm të marrëdhënieve mes të dyja vendeve.