Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Yuri Kim, 2 orë në takim me Gjonajn e paditur në SPAK. Tjetër mesazh për Metën?!

Politiko 4 Mars 2020, 18:01

Thuajse 10 ditë më parë, Presidenti i Republikës, Ilir Meta, dorëzoi në Strukturën e Posaçme Anti-Korrupsion, SPAK, një padi penale ndaj Etilda Gjonajt, ministre e Drejtësisë.

Akuzat janë shumë të rënda dhe lidhen me publikimin në Fletoren Zyrtare të vendimit për emërimin automatikisht si anëtare të Gjykatës Kushtetuese të Arta Vorpsit, në mënyrë të paligjshme sipas Presidencës.

Një ministre e rëndësishme e Qeverisë si Gjonaj akuzohet nga Kreu i Shtetit për një sërë veprash penale, ku më e rënda është ajo e ‘shpërdorimit të detyrës’.

“Nuk ka ngjarje më të rëndë në historinë e shtetit tonë se sa ky akt mafioz ku nga provat zyrtare rezulton e përfshirë edhe celula e strukturuar në krye të Ministrisë së Drejtësisë”, pati deklaruar Presidenti nga jashtë institucionit ku vetë personalisht dorëzoi padinë.

Një ngjarje shumë e madhe, e cila në disporporcion nuk solli asnjë reagim nga diplomatët më të rëndësishëm në Tiranë.

Megjithatë sot është njoftuar, ashtu si me ‘burime’ për mediat, se ambasadorja e Shteteve të Bashkuara të Amerikës, Yuri Kim ka zhvilluar një takim të gjatë dy orësh me ministren e Drejtësisë, Etilda Gjonaj. Madje ‘burimet’ nuk harruan të mos nënvizonin se ambasadorja e SHBA-së në Tiranë e ka nxitur ministren Gjonaj të vazhdonte të njëjtin kurs me zhvillimin e Reformës në Drejtësi. “Me të njëjtin kurs”.

Minimalisht një takim i tillë, me një kohëzgjatje gati si për ‘Samit’ por sidomos mesazhi i dhënë tregon se kjo mund të jetë një mbështetje e hapur amerikane ndaj ministres për reformën në drejtësi, e cila do të duhet të përgjigjet në prokurori për ‘atentat mafioz ndaj reformës në drejtësi’.

Ende nuk ka një konfirmim zyrtar në lidhje me këtë. Informacionet për takimin ishin thjesht nga ‘burime’.

Por Presidenti i Republikës, Ilir Meta, një takim të tillë do të duhet ta marrë si një mesazh se padia e tij ishte e tepërt dhe e pavend? Me informacionet e deritanishme një konkluzion i tillë do të ishte shumë i sforcuar.

Megjithatë duke marrë në konsideratë edhe reagimin, jo të ‘zakonshëm’ (prej 30 vitesh flamuri amerikan është i pranishëm thuajse në çdo tubim shqiptarësh), të ambasadores amerikane për valëvitjen që Presidenti i bëri Flamurit të SHBA-ve në manifestimin e tij në bulevard duket se Presidenti nuk i ka ‘nisur mirë punët’ me ambasadoren e re të përfaqësisë së huaj më të fuqishme në Tiranë.