Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbardhet biseda midis kryeministrave Rama- Mitsotaqis në Nju Jork

Politiko 23 Shtator 2019, 22:52
Zbardhet biseda midis kryeministrave Rama- Mitsotaqis në Nju Jork

Prej takimeve të para që ka kryer kryeministri i ri grek Kyriakos Mitsotaqis në Nju York në kuadrin e sesionit të 74 të asamblesë së Kombeve të Bashkuara ka qenë ai me homologun shqiptar Edi Rama.

Që në fillim kryeministri grek ka pyetur atë shqiptar për gjendjen në Shqipëri pas tërmetit të fuqishëm që tronditi vendin ditën e shtunë.

Mitsotaqis- Si është gjendja me tërmetin?

Rama- Për fat të mirë pa viktima. Por me shumë dëme. Nuk është e lehtë.

Mitsotaqis- Ku ishte epiqendra e tërmetit?

Rama – Ishte në det 30 km nga Tirana. Ishte shumë i fuqishëm. Tani po bëjmë vlerësimin e gjendjes. Mund të nevojitet të trokasim në derën tuaj pas disa ditësh për ndihmë. E kemi bërë edhe më parë.

Të dy kryeministrat diskutuan per marrëdhëniet dypalëshe dhe integrimin e Shqipërisë në BE në prag të Samitit të lartë të tetorit. Janë diskutuar çështje për të cilat Athina ka kërkuar përmbushjen e kushteve të përcaktuara nga BE, përfshirë ato që lidhen me të drejtat e pakicës kombëtare greke në Shqipëri.

Në veçanti Mitsotaqis ka theksuar çështjen e së drejtës së vetë përcaktimit si dhe të së drejtës pronësore të minoritetit grek si kusht kryesor i mbështetjes greke, ndërsa ka përsëritur se Athina zyrtare vazhdimisht favorizon rrugën evropiane të Tiranës.

Sipas burimeve qeveritare greke zoti Rama ka shprehur gatishmërinë e tij për të bashkëpunuar me Greqinë për çështjet me interes të veçantë për Athinën.

Mitsotaqis dhe Rama kanë rënë dakord të shkojnë në diskutime më të gjera për çështjet dypalëshe në Samitin Euro-Arabik në Athinë më 29-30 Tetor 2019. Burimi: Top Channel

Të fundit