Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbulohet financuesi i 1.6 tonëve drogë të nisura nga Himara

Politiko 27 Nëntor 2017, 23:22
Zbulohet financuesi i 1.6 tonëve drogë të nisura nga Himara

63-vjeçari Spiros Kardamis dyshohet të jetë financuesi i grupit që u kap me 1.6 ton drogë në gomone, e cila ishte nisur nga Himara. Personi që dyshohet se ka mbështetur 10 personat e arrestuar, është një biznesmen grek. Ai është vënë në pranga në Athinë nga policia dhe pritet të japë dëshminë e tij në lidhje me mënyrën se si funksiononte rrjeti kriminal.

Ai investonte kryesisht në blerjen e gomoneve dhe skafeve, ku për njërën prej të cilave e kishte paguar 300 mijë euro dhe u kishte vënë në dispozicion trafikantëve për të transportuar drogën.

Por burimet shtojnë se ai ka pasur një restorant në Kolonaqi që është një nga lagjet më të shtrenjta të Athinës, të cilin e ka shitur, ndërsa aktualisht ka në pronësi një biznes të po të njëjtit lloj në Mykonos.

Në këtë lagje mësohet se kishte mbërritur katër vite me parë ku kishte hapur fillimisht një bar-kafe, dhe më pas e kishte shndërruar në restorant.

Njerëzit në zonë thonë se ai e mban atë biznes vetëm gjatë verës, ndërsa e cilësojnë si një njeri të qetë dhe që kishte qenë gjithmonë i rregullt me pagesat e punëtorëve. Ambicia e tij në fushën e investimit të restoranteve, duket aq e madhe sa ai ka tentuar të hapte një restorant tjetër në Kolonaqi me vlerë 100 mijë euro, por ka dështuar pasi nuk ka arritur të grumbullojë këtë shumë parash.

Spiro Kardamis i bashkohet listës së dhjetë personave të arrestuar nga policia si të përfshirë në rrjetin e trafikimit të narkotikëve, ku u sekuestrua në cilësinë provës materiale gomonia me 1.6 tonë drogë.

Të fundit