Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zbulohet pas 30 vjetësh ana e errët e Placido Domingos

Politiko 13 Gusht 2019, 12:17

Për dekada me radhë, Placido Domingo, një nga figurat më të rëndësishme të operas në botë ka qenë ‘makthi’ i grave, pasi i shtrëngonte ato të kryenin marrëdhënie seksuale me të, madje edhe duke i ndëshkuar profesionalisht nëse ato e refuzonin ofertën e tij.

Kështë kanë thënë për ‘The Associated Press’ me dhjetëra gra, të cilat e kanë akuzuar Domingon për ngacmim seksual.

Placido Domingo konsiderohet si një nga këngëtarët me të mëdhenj të operas i të gjitha kohërave. Ai është gjithashtu një dirigjent mjaft virtuoz dhe drejtor i ‘Los Angeles Opera’.

Fituesi i disa çmimeve Grammy, Domingo është një person mjaft i respektuar nga kolegët e tij, të cilët thonë se ai është një njeri plot sharm, energji dhe i palodhur në çuarjen e artit të tij përpara.

Por akuzueset e tij dhe persona të tjerë në fushën e operas thonë se Domingo ka një anë të errët. Anë kjo, e cila, siç thonë ata, ka qenë për shumë kohë një sekret në botën e operas.

Tetë këngëtare dhe një balerinë i kanë thënë AP-së se ata ishin ngacmuar seksualisht nga superstari me origjinë spanjolle, ghatë takimeve që ndodhën mbi tre dekada në parë, duke filluar nga fundi i viteve 1980, në vendet që përfshinin ndërmarrjet operistike ku ai mbante poste të larta menaxheriale.

Një nga gratë tha se Domingo i fuste dorën poshtë fundit, ndërsa tre të tjera thanë se a ii detyronte të putheshin, në dhomat e zhveshjes, në hotel, apo kur drekonin.

“Një drekë pune nuk është diçka e çuditshme”, tha njëra nga këngëtaret. “Por kur dikush përpiqet të të mbahë dorën gjatë një dreke pune, ose të të fusë duart, kjo është diçka e çuditshme. Ai vazhdimisht të prekte dhe të puthte”.

Përveç nëntë akuzueseve, kanë qenë edhe 20 gra të tjera që i thanë AP-së se Domingo u bënte atyre propozime të pakëndëshme. Një këngëtare e re tha se ai i kërkonte asaj vazhdimisht të dilnin bashkë, pasi e punësoi për të kënduar me të në një seri koncertesh në vitin 1990.

The Associated Press foli gjithashtu edhe me 30 këngëtare të tjera, valltare, muzikantë të orkestrës, anëtarë të stafit në prapaskenë, etj, të cilët thanë se kishin qenë dëshmitarë të sjelljeve të papërshtatshme të Domingos ndaj grave.

Domingo nuk iu përgjigj pyetjeve të hollësishme nga AP në lidhje me incidente specifike, por lëshoi një deklaratë duke thënë: “Pretendimet nga këta individë pa emër që datojnë rreth tridhjetë vjet më parë janë thellësisht shqetësuese, dhe siç paraqiten, të pasakta.

Sidoqoftë, është e dhimbshme të dëgjosh që unë mund të kem bezdisur ndokënd ose t’i kem bërë ato të ndihen keq - pa marrë parasysh se kur ka ndodhur kjo dhe me gjithë synimet e mia më të mira. Unë besoja se të gjitha ndërveprimet dhe marrëdhëniet e mia ishin gjithnjë të mirëpritura dhe konsensuale. Njerëzit që më njohin ose që kanë punuar me mua e dinë që unë nuk jam dikush që me dashje mund të lëndoj, ofendoj ose vë në siklet ndokënd”.