Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjedhjet e 2021, Gjekmarkaj: Rama po luan në mbrojtje, PS del forcë e dytë

Politiko 26 Gusht 2020, 18:41
Zgjedhjet e 2021, Gjekmarkaj: Rama po luan në mbrojtje, PS del forcë e

Analisti Agron Gjekmarkaj është shprehur së fundmi se kryeministri Rama me thyerjen e marrëveshjes së 5 qershorit si dhe ndryshimet kushtetuese, duket se po luan në mbrojtje.

Në një intervistë për rubrikën ”Opinion”, Gjekmarkaj ka bërë një analizë të zhvillimeve politike që priten të nisin në shtator dhe do të kapin kulmin me zgjedhjet e pranverës së 2021.

Më tej ai ka theksuar se PS në zgjedhjet e 2021 del forcë e dytë, pasi pas 8 vitesh ka zhgënjim nga qytetarët dhe vetë në PS ka erozion.

Sipas tij, me ndalimin e koalicioneve Rama do të krijojë rrëmujë tek opozita, por është lojë e dëshpëruar.

"Kanë ndodhur dy gjëra, marrëveshja e 5 qershorit me kumbarë ndërkombëtarë, me angazhimin e SHBA. Një javë më pas u tradhëtua dhe u minua nga mazhoranca me opozitën parlamentare. Pra, Rama nuk lë asnjë hapësirë boshe, i amolifikon vetes pushtetin. Ndryshimet kushtetuese shfaqin stres. Rama po luan në mbrojtje dhe do rrëmujë tek opozita sidomos me këto koalicionet.

Pas 8 vitesh e ka të vështirë të jetë parti e parë, do jetë parti e dytë. Ka erozion në PS. Ka zhgënjim tek qytetarët, ka mosrealizim të premtimeve, krizë të madhe ekonomike, dhe qytetarët ndjejnë frikë. Një njeri sado militant të jetë shqetësohet pasi mund të jetë radha e tij.

Ndërkombëtarët ishin garant që koalicionet mos preken. Kredibiliteteti i tyre është prekur. Rama do i sfidojë dhe tek koalicionet. Ata e kanë të vështirë të jenë arbitër seriozë, për ndeshjet politike në Shqipëri. Lind problemi si do rruhen zgjedhjet në Shqipëri. Kemi pasur një farë besimin tek ndërkombëtarët deri tani.

I bie që opozita të ketë një platformë transparente që të ftojë qytetarët të shohin si po zhvillohet procesi zgjedhor. I bie që garancitë janë vetëm në letër dhe sfidohen praktikisht. Të ndershme nuk janë në një farë mënyre, e kupton që koalicioni i opozitës ka 52- 53 % dhe duke hequr këto të kapë disa vota. Pra është lojë dëshpëruese e Ramës.

Rama më dukej si pinoku para mjekëve dhe ata në heshtje pranonin një realitet surreal. Ai fliste për rroga, ndërkohë që mund të fliste për to vite më parë. Ai ka policinë, çunat e famshëm problematik, por ka vetmi. Qytetarët e kanë braktisur. Zgjedhjet e 30 qershorit e nxorën me 18% por unë them se ka qenë 12- 13% ”,  tha Gjekmarkaj.

Të fundit