Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

“Zgjedhjet në universitetet në kulmin e pandemisë”, sqaron Shahini: Pse u vendos data 30 korrik

Politiko 23 Korrik 2020, 10:48

“Zgjedhjet në universitetet në kulmin e pandemisë”,

Ministrja e Arsimit, Besa Shahini ka dhënë sqarime mbi zgjedhjet në universitetet, e përcaktuar në 30 korrik, një debat që vijon prej javësh në distancë edhe mes saj dhe rektorit të UT, Mynyr Koni.

Në një interpelancë të thirrur nga deputetja Fatjona Dhimitri, Shahini thotë se ka marrë në konsideratë kërkesën e 11 rektorëve dhe se ky proces nuk mund të shtyhej në vijimësi duke patur parasysh situatën e pandemisë.

“Monto e cmonto urdhera Znj Ministre ne shkelje te ligjit per arsimin e larte, rregulloren “ Per organizimin e zgjedhjeve per autoritetet drejtuese ne senatin akademik ne universitetin e tiranes kane cenuar rende autonomine universitare ne vend, kane cuar ne kolaps universitetet tona vetem e vetem prej lukunise suaj per te monopoliuar dhe shtene ne dore krejt rrjetin uviversitar per te emeruar aty sherbetoret besnik te pushtetit tuaj, per ti shperblyer keta te fundit me ofiqe njelloj sic kapet mendimin shkencor dhe e vute nen udheheqjen e politikes suaj.

A është thirrur Konferenca e Rektorëve për caktimin e datës së zgjedhjeve më 30 Korrik 2020?

Cila është arsyeja që zgjedhjet janë caktuar më 30 Korrik, në një kohë kur jemi në kulmin e pandemisë nga COVID-19, ndërkohë që studentët aktualisht nuk gjenden në universitete?

Cilat janë masat e marra nga Ministria e Arsimit për të shmangur një përhapje masive të COVID-19?

A mbani ju përgjegjësi ligjore dhe penale, nëse gjatë ditës së zgjedhjeve do të konstatohen raste me virusin COVID-19?

A mbani ju përgjegjësi ligjore dhe penale, nëse studentë apo pedagogë të infektuar përhapin në mënyrë masive virusin COVID-19?

A jeni informuar zyrtarisht nga Rektori i Universitetit të Tiranës për pamundësinë e zhvillimit të zgjedhjeve më 30 Korrik në mënyrë të rregullt dhe të ligjshme?

A jeni në dijeni se në Universitetin e Tiranës kanë ndodhur një sërë veprimesh, vendimesh, të cilat e kanë futur këtë institucion në kaos, konfuzion dhe paligjshmëri të plotë? Cfarë keni bërë apo po bëni ju lidhur me këtë situatë, si institucioni kompetent për garantimin e ligjshmërisë në IAL-e.

A jeni në dijeni se Universiteti Politeknik i Tiranës nga data 29 Qershor e në vijim ka vendosur që të kalojë cdo gjë online për shkak të konstatimit të një rasti të një studentje të infektuar me COVID-19? Për sa kohë ekziston kjo situatë, si mendoni se do të mund të mbahen zgjedhjet në këtë universitet?

A jeni në dijeni se në Universitetin e Shkodrës procesi zgjedhor ka filluar në shkelje të rregullores së zgjedhjeve dhe nëse do të ketë ankesa procesi mund të shpallet i paligjshëm, për rrjedhojë i pavlefshëm?

A keni informacion nëse këshillat e etikës pranë universiteteve publike kanë kryer verifikimin e kandidatëve për organet drejtuese nëse në punimet e tyre ka plagjiaturë? Nëse po, ju lutem na thoni deri në c’masë janë kryer këto kontrolle dhe a ka pasur raste, kur kandidatë të caktuar janë larguar nga gara për shkak të plagjiaturës?

Znj. Ministre, në Dhjetor 2018, studentët protestuan për rritjen e përqindjes së votës së tyre nga 10% në 50%. Dhe ju bashkë me Kryeministrin ua premtuat se do ta bëni. A mund ta pranoni sot përpara shqiptarëve, se ju i keni mashtruar studentët, dhe jo vetëm nuk po rrisni përqindjen e votës së tyre, por po ua mohoni fare këtë të drejtë”, iu drejtua Dhimitri.

“Data e zgjedhjeve në universitete u shty dy herë për shkak të pandemisë, për herë të parë në janar të 2020.

Janë shkaktuar disa ngërçe në funksionim të institucionet e arsimit të lartë. Studentët nuk merrnin shërbimet sepse drejtuesit kanë hezitim me mandate të skaduara sic janë tani. Në fund të qershorit, 11 nga 121 rektore na kërkuan të shpallim zgjedhje sa më parë për tri arsye: E para rritja e rasteve të infektimeve rrezikon fillimin e vitit akademik dhe mund të shtyjë zgjedhjet pafundësisht, institucionet janë të hapura deri më 7 gusht dhe janë hequr kufizimet e transportit publik ndaj të gjithë janë të lirë të marrin pjesë në zgjedhje, ndaj e miratova këtë kërkesë. Këtu përfundon roli i ministrisë.

Rektori i UT nuk bën pjesë e grupit që kërkuan zgjedhjet me 30 korrik, ai është kundër. Nuk mund të injorojmë kërkesën e 11 rektorëve të tjerë që zgjedhjet të bëhen tani. E di që pajtoheni se si prindër më keni shprehur mbështetjen tuaj që zgjedhjet të mbahen sa më parë”, u përgjigj Shahini.

Më tej, Dhimitri thotë se nuk mori pergjigje nese Ministrja ka reflektuar lidhur me rrezikshmerine e mbajtjes se zgjedhjeve te paligjshme ne 30 korrik apo jo.

"Edhe ne leterkembimet me rektorin e universitetit te Tiranes ne vend te ulni koken per zhgenjimet qe ju keni dhene te rinjve me paftesine me te cilen I meshoni kolltukut qe ju mban, insistoni me cdo kusht ta kerkoni zhgenjimin tek pala tjeter , pasi u pa kjo pune njesoj sic moret bashkite me zgjedhjet moniste tani po perdorni te njejtat teknika per te vene nen kontrollin e qeverise Universitetet duke riemeruar kandidatet pa rival.

Nese do te mbahen keto zgjdhje te paligjshme dhe do te kete vatra Covidi ne universitete perr shkak te votimeve, atehere perfundimin e keni tek SPAK, po te kap dhe KODI PENAL Kujdess zonja Ministre ne ikje", u shpreh deputetja Dhimitri.