Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zgjedhjet një partiake, Basha sqaron situatën për Al Jazeera

Politiko 30 Qershor 2019, 16:22
Zgjedhjet një partiake, Basha sqaron situatën për Al Jazeera

“Ky është një vend i sigurt për opozitën, por që nuk ka një kandidat pasi po bojkoton plotësisht zgjedhjet lokale. Partia Demokratike akuzon qeverinë për korrupsion dhe kërkon zgjedhje të përgjithshme, është duke kërkuar dorëheqjen e kryeministrit socialist Edi Rama.”- kështu thotë Al Jazeera për zgjedhjet në Shqipëri.

Gijgandi mediatik Al Jazeera ka realizuar një kronikë për procesin zgjedhor në qytetin e Kamzës.

Kronika e saj zhvillohet në qendrën e votimit në Shkollën e Mesme Ibrahim Rugova në Kamëz.

“E vetmja gjë që mund të më lëvizë nga zyra, është vota e njerëzve dhe jo vendimi i një partie politike.  Ne nuk jemi në Korenë e Veriut dhe nuk jemi më në komunizëm. Unë nuk do të njoh këto zgjedhje”-thotë kryebashkiaku i Kamzës, Xhelal Mziu për Al Jazeera.

Media e huaj vë në dukje faktin se Partia Demokratike drejtoi shumë mbështetës për të parandaluar ngritjen e qendrave të votimit në të 24 qytetet ku dominon opozita.

“Në qytetin e Shkodrës policia shpërndau protestuesit me gaz lotsjellës. Policia mban nën kontroll qendrat e votimit në mbrojtjen e armëve për të parandaluar incidente të mëtejshme.”

“Bashkia e Kamzës ka një status të veçantë për opozitën, është një qendër e qëndrueshme e Partisë Demokratike, në periferi të  Tiranës, ku dominon Partia Socialiste. Në 23 vitet e fundit socialistët kanë drejtuar vetëm një herë në vitin 2000, ku demokratët abstenuan ndaj procesit elektoral”- thotë John Psaropoulo, gazetar i Al Jazeera.

Lideri demokrat Lulzim Basha u kërkon mbështetësve të tij të qëndrojnë të qetë dhe pa humbur kontrollin deri të hënën.

“Shqipëria është e tronditur nga mosreagimi ndërkombëtar ndaj provave që lidhin Ramën  me krimin e organizuar përmes së cilëve ai rifitoi pushtetin në vitin 2017. Kjo është një situatë shumë e rrezikshme, e cila potencialisht të çon në trazira civile, trazira sociale, nëse nuk ka një dënim të qartë të farsës e cila tashmë ka ndodhur” – thotë Lulzim Basha për Al Jazeera.

“Bisedimet me Bashkimin Europian janë shtyrë për gjashtë muaj. Nëse kriza politike në Shqipëri thellohet, liderët politikë duhet të shqetësohen se bisedimet do të zgjasin me vite”- John Psaropoulo, Al Jazeera, Kamëz.

 

https://www.youtube.com/watch?v=lBSlsysb1YM

Të fundit