Flash News
Shoferja humb kontrollin në aksin Devoll-Miras, dy të plagosur
SPAK sekuestron pasuritë e dy ortakëve të Evis Berberit
Goro në burg, Blerina Balaj komandohet kryetare e Bashkisë Himarë
Video/ Tensione në mbledhjen e Këshillit Bashkiak të Himarës, qytetari pështyn në fytyrë Vangjel Tavon
Olsi, ashtu si Edi, qenka burrë p….
Zjarre masive në Mat, forcat zjarrfikëse kërkojnë ndihmën e Ministrisë së Mbrojtjes për neutralizimin e flakëve
Zjarri i rënë një ditë më parë në zonën e quajtur Kongrazhd në afërsi të Burrelit ka marrë përmasa akoma më të mëdha dhe pavarësisht ndërhyrjes së bërë nga forcat e shërbimit zjarrfikës të Bashkisë Mat, të shërbimit pyjor, zjarrfikëses së Bashkisë Klos dhe forcave të ushtrisë nuk është arritur neutralizimi i zjarrit.
Mësohet se sipërfaqja e përshkuar nga flakët ka arritur në mbi 60 hektar tokë pyjore dhe përhapja e flakëve është favorizuar edhe nga era e fortë, ndërkohë që vatra është ende aktive.
Drejtori i Politikave Ekonomike, Bujqësisë dhe Menaxhimit të pyjeve në Bashkinë Mat, Vebi Stana, ka kërkuar ndihmën e Ministrisë së Mbrojtjes për të ndërhyrë nga ajri.
Stana ka shtuar se ka dyshime që zjarri është i qëllimshëmdhe se 5 vatra zjarri janë shfaqur vetëm në Mat.
Kujtojmë se zjarre masive kanë prekur edhe zona të tjera pyjore të vendit, ku dje u shënua një rast në Fier dhe para ca ditësh në Krujë.