Flash News
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Lirohet nga qelia ish-kryebashkiaku i Fushë Arrëzit, Fran Tuci
Zv/kryeministri Braçe me deklaratë ndryshe nga ministrja Balluku: Këto janë arsyet përse anuluam Thumanë-Kashar
Kur njoftoi anulimin e koncesionit PPP për autostradën Thumanë-Kashar, ministrja e Transporteve, Belinda Balluku deklaroi se financimi do të shkojë për “Paktin për Universitetin”. E pyetur nga gazetarët për arsyet e anulimit të koncesionit, Balluku kërkoi prej tyre që të fokusoheshin te gjesti për të kaluar financimin te universitetet, ndërkohë që nuk dha asnjë shpjegim për vendimin.
Por zv/kryeministri Erjon Braçe, ndryshe nga ministrja, ka treguar dy arsye përse u anulua ky koncesion. Në emisionin ‘Repolitix’, në Report Tv, Braçe tha se arsyeja e parë ishte se rruga “ishte e shtrenjtë në një kohë kur ka një rrugë paralele e cila gjithashtu kërkon investime.” Sa i përket arsyes së dytë, Braçe theksoi se “kompanitë që duan të punojnë me Qeverinë shqiptare duhet ta harrojnë se mund të mashtrojnë” duke iu referuar skandalit të ‘Unazës së Re’.
Edhe pse i lidhi disa herë dy projektet, Unazën e Re me Thumanë-Kashar, Braçe nuk iu përgjigj konstatimit të moderatorit Denis Minga se, të paktën zyrtarisht nuk bëhet fjalë për një kompani që ka fituar dy tenderat, por për dy kompani të ndryshme.