Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zv.ministrja e Turizmit fton shqiptarët të bëhen pjesë e sfidës: Shqipëria nga shtëpia

Politiko 11 Prill 2020, 21:03
Zv.ministrja e Turizmit fton shqiptarët të bëhen pjesë e

Zëvendësministrja e turizmit, Ornela Çuçi ka ndërmarrë një sfidë shumë të bukur dhe interesante teksa fton shqiptarët nga karantina – në shtëpitë e tyre ku po qëndrojnë – të postojnë foto nga Shqipëria.

Në një moment kur koronavirusi i ka dhënë një goditje fatale ekonomisë në të gjithë botën, secili mund të kontribuojë në mënyrën e tij që vendi i tij të zhvillohet. Këtë mund ta bëjnë dhe shqiptarët duke nxitur turizmin në Shqipëri.

Bëhu edhe ti pjesë e sfidës, posto fotot më të bukura të realizuara në Shqipëri dhe nomino edhe miqtë e tu.

Postimi i plotë:

Sot që pragjet e shtëpive nuk mund dhe nuk duhet t’i shkelim, sot që jemi të detyruar të distancohemi nga njëri-tjetri, e përveç rutinës së dikurshme, duhet të heqim dorë gjithashtu edhe nga adrenalina e zbulimit të natyrës dhe të botës, sot që turizmi mban frymën mbi axhenda të ngrira udhëtimesh, le të sfidojmë këtë kohë të vështirë, me një udhëtim të pazakontë virtual, “Shqipëria nga shtëpia”.

Le të bëhemi një zinxhir i gjatë dhe bukur fotosh e dëshmish të Shqipërisë turistike! Le t’i rrëfejmë njëri- tjetrit, eksplorimet më të mrekullueshme shqiptare, për të parë çfarë na ka mbetur akoma pa u njohur e krenuar me Tokën e Shqiponjave. Le t’u tregojmë vendin tonë miliona turistëve që nuk mund të jenë këtë pranverë këtu, siç e kishin planifikuar. Le t’ua tregojmë si duket Shqipëria nga shtëpia që kur e gjithë kjo luftë të marrë fund, ata të vijnë edhe më shumë!

Hidh një foto nga Shqipëria me hashtagun #albaniafromhome #staytodayinhome #travetomorroë

Nomino miqtë e tu që të bëhen pjesë e këtij udhëtimi që përmbledh traditën, natyrën, historinë, kulturën, mikpritjen dhe shpirtin tonë! Jeni të gjithë të nominuar miq!

Sa më shumë të bëhemi, aq më shumë do të zgjasë udhëtimi dhe më shumë turistë do të vijnë nesër! Më shumë Shqipëria do të ringrihet për të vazhduar sfidën e vështirë por jo të pamundur të turizmit të qëndrueshëm!

Tregoju Shqipërinë dhe turistët patjetër që do të vijnë!

Të fundit