Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

KRYESORE

Zyrtare, nesër do të hidhet shorti për përzgjedhjen e 8 gjyqtarëve të Kolegjit Zgjedhor

Politiko 7 Shtator 2020, 15:04
Zyrtare, nesër do të hidhet shorti për përzgjedhjen e 8

Këshilli i Lartë Gjyqësor ka njoftuar se ditën e nesërme do të hidhet shorti për tetë gjyqtarët që do të jenë pjesë e Kolegjit Zgjedhor.

Sipas njoftimit zyrtar, shorti do të zhvillohet pranë ambienteve tek ”Poli i Drejtësisë” dhe do të jetë transparent e i hapur për publikun, përfaqësuesit e KQZ si dhe partitë politike.

Në garë janë mbi 20 gjyqtarë të Shqipërisë dhe do të jetë pikërisht ky Kolegj Zgjedhor që do të vlerësojë zgjedhjet e ardhshme të 25 prillit 2021, si dhe gjithë ankesat nga subjektet politike mbi shkeljet e mundshme në procesin zgjedhor.

Për shkak të situatës së krijuar nga pandemia Covid-19, Këshilli i Lartë Gjyqësor kërkon bashkëpunimin tuaj duke sjellë si të pranishëm  vetëm një përfaqësues gjatë hedhjes së shortit.

Njoftimi zyrtar:

Të nderuar përfaqësues të mediave!

Lënda: Njoftim për përzgjedhjen e tetë gjyqtarëve të Kolegjit Zgjedhor Gjyqësor.

Këshilli i Lartë Gjyqësor mbështetur në nenin 146 të Kodit Zgjedhor (i ndryshuar), si dhe në zbatim të Dekretit të Presidentit të Republikës nr. 11700, datë 06.09.2020 “Për caktimin e datës së zgjedhjeve për Kuvendin”do të organizojë, ditën e martë, datë 8 shtator 2020, ora 17:00, pranë ambienteve të tij, në adresën Godina “Poli i Drejtësisë” (Rr. ‘Ana Komnena), hedhjen e shortit për përzgjedhjen e tetë gjyqtarëve të Kolegjit Zgjedhor Gjyqësor.

Shorti do jetë i hapur dhe në prani të publikut, përfaqësuesve të KQZ, partive politike, organizatave jofitimprurëse me veprimtari në fushën e zgjedhjeve dhe drejtësisë.

Për shkak të situatës së krijuar nga pandemia Covid-19, Këshilli i Lartë Gjyqësor kërkon bashkëpunimin tuaj duke sjellë si të pranishëm  vetëm një përfaqësues gjatë hedhjes së shortit.

Të fundit