Zyrtarja e bashkisë Vorë ndryshoi dëshminë, shtyhet seanca për Agim Kajmakun në arrati

Gjykata e Tiranës ka shtyrë seancën për ish-kryebashkiakun e Vorës, Agim Kajmaku, i cili prej disa muajsh është në arrati.

Ai akuzohet për “Falsifikimi i formularëve”, Shpërdorim detyre”, dhe “Ushtrim i funksioneve pas dhënies fund të detyrës”.

Ndërsa më 12 nëntor Gjykata e Tiranës vendosi arrest në burg në mungesë, ‘balkanweb’ raporton se shefja e protokollit në Bashkinë e Vorës ka ndryshuar dëshminë për falsifikim dokumentesh dhe për këtë është përgatitur vendimi për zbutjen e masës së sigurisë.

Avokati i Kajmakut ka kërkuar shtyrjen e seancës që të paraqesë provat për në seancën e përcaktuar më 27 janar.