Flash News

Posta e mëngjesit/ Me 2 rreshta: Çfarë pati rëndësi dje në Shqipëri

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

KRYESORE

Nga brenda mbledhjes, Edi Rama bën edhe reporterin; u shpërndan mediave fjalët e tij ku kritikon deputetët

Politiko 18 Qershor 2018, 12:00

Nga brenda mbledhjes, Edi Rama bën edhe reporterin; u shpërndan

Mesditën e sotme, të gjitha televizionet në vend kanë raportuar deklaratat e kryeministrit Edi Rama nga mbledhja e Grupit Parlamentar të PS, që u zhvillua me dyer të mbyllura për gazetarët.

Televizionet kanë cituar burime të paidentifikuara që faktikisht kanë raportuar të njëjtat fjalë të Ramës dhe për të njëjtën çështje. Raportimi është ‘copy-paste’ dhe aty kryeministri shfaqet i shqetësuar për qytetarët, ndërsa kritika drejtohet për te deputetët.

Disa prej televizioneve dhe protaleve, përveç citimit, kanë të njejtë edhe pjesën tjetër të lajmit, çka lë dyshime se ai ka qenë i parapërgatitur dhe u është nisur i gatshëm për publikim.

Ja si kanë raportuar disa nga mediat kryesore në vend

News 24 dhe Balkanweb:

Gazetarja Marsela Karapanco duke iu referuar burimeve nga takimi raporton për “Balkanweb” se kryeministri Edi Rama ka qenë i ashpër me deputetet, duke u kërkuar që atyre të mos bëjnë punësime me SMS dhe të zgjidhin hallet e qytetarëve në terren.

“Mos u merrni me punësime e SMS. Zgjedhjet në administratë duhet të bëhen përmes konkurseve. Lërini konkurset të funksionojnë. Shpërndahuni nëper zona sa më pranë qytetareve. Ata kanë halle, pse nuk jeni pranë tyre? Bëni kujdes me qytetaret ”- mësohet të ketë thënë Rama gjatë mbledhjes.

Report Tv dhe Shqiptarja.com:

Report Tv zbardh detaje nga mbledhja e grupit parlamentar të PS. Kryeministri Edi Rama ka qenë kritik me deputetët socialistë, të cilëve iu ka kërkuar që të mos punojësojnë njerëz me SMS, por të shkojnë pranë qytetarëve dhe t'u përgjigjen atyre për problemet.

“Mos u merrni me punesime e SMS. Punësimet në administrate duhet të bëhen përmes konkurseve. Lerini konkurset të funksionojnë. Shpërndahuni nëpër zona dhe të jeni sa më pranë qytetarëve. Ata kanë halle, pse nuk jeni pranë tyre. Beni kujdes me qytetarët. Problemet që ngrihen nga njerëzit janë si pasojë e paaftësisë së drejtorëve.

Panorama:

Sipas informacioneve Edi Rama ka qenë kritik me deputetët dhe iu ka kërkuar që të mos punësojnë njerëz me SMS, por të shkojnë pranë qytetarëve dhe halleve të tyre.

“Zgjedhjet ne administrate duhet të behën përmes konkurseve. Lërini konkurset të funksionojnë. Shpërndahuni nëpër zona sa më pranë qytetareve. Ata kane halle, pse nuk jeni pranë tyre. Bëni kujdes me qytetarët”, mësohet të ketë thënë Rama në mbledhjen e grupit.

Top Channel:

Mbledhja e grupit parlamentar socialist ka përfunduar, dhe burime brenda selisë rozë bëjnë të ditur se kryeministri Edi Rama ka qenë mjaft i ashpër me deputetët e tij.

Pas një fundjavë me agjendë në veri të vendit, Rama u kërkon atyre të shpërndahen në zona sa më pranë qytetarëve. “Ata kanë halle, pse nuk jeni pranë tyre. Bëni kujdes me qytetarët. Mos u merrni me punësimet duke ndërhyrë me mesazhe”, është shprehur Rama.

Ai ka theksuar se zgjedhjet në administratë duhet të bëhen përmes konkurseve, duke u kërkuar “lërini konkurset të funksionojnë”.

Ora News:

Burime nga mbledhja bëjnë të ditur se kryeministri është i pakënaqur me ritmin e punës. Mësohet se ai i ka tërhequr vëmendjen deputetëve që të mos merren me punësime me mesazhe.

Rama: Mos u merrni me punësime me mesazhe. Zgjedhjet në administratë duhet të bëhen përmes konkurseve. Lërini konkurset të funksionojnë. Kujdes me emërimet, ato të bëhen bazuar në anën profesionale, jo militante.

Ai i ka kërkuar deputetëve që të shpërndahen nëpër zona dhe të jenë sa më pranë qytetarëve.

Rama: Qytetarët kanë halle, pse nuk jeni pranë tyre? Bëni kujdes me ta. Drejtorët qesharak militante sjellin 10 vota, por heqin 10 çdo ditë duke bërë të pakënaqur njerëzit.

Gazeta Shqiptare:

Burime për Gazeta Shqiptare kanë bërë të ditur se numri një i Qeverisë ka qenë kritik dhe i ashpër me deputetët dhe iu ka kërkuar që të mos punësojnë njerëz me SMS, por të shkojnë pranë qytetarëve dhe halleve të tyre.

“Zgjedhjet në administratë duhet të behën përmes konkurseve. Lërini konkurset të funksionojnë. Shpërndahuni nëpër zona sa më pranë qytetareve.

Ata kanë halle, pse nuk jeni pranë tyre. Bëni kujdes me qytetarët. Problemet e njerëzve nga paaftësia e drejtorëve”, – mësohet t’u ketë thënë Rama deputetëve të PS në mbledhjen e grupit.

Abc News

Kritik dhe i ashpër është treguar kryeministri Edi Rama me deputetët e tij. Mësohet se në mbledhjen me dyer të mbyllura të grupit parlamentar të Partisë Socialiste, kryetari i tyre i ka kërkuar që të mos merren me punësime, pëmes mesazheve nga celulari, por të lenë konkurset të funksionojnë.

Punësimet në administrate duhet të bëhen përmes konkurseve – u ka thënë kryeministri Rama deputetëve të tij. Ai i ka bërë thirrje të zgjedhurve socialistë të shpërndahen nëpër zona, që të jenë më pranë qytetarëve.

“Ata kanë halle, bëni kujdes me qytetarët”- i ka paralajmëruar deputetët e grupit parlamentar socialist kryeministri Edi Rama.