Flash News

Gripi i shpendëve, gati 500 mijë pula të asgjësuara, rritet çmimi i vezëve në treg

Skandali ushqimor me luleshtrydhet nga Greqia, AKU: E gjithë sasia me pesticide u shit në treg

SPAK kundër SPAK, Këlliçi: Prokurorë të kësaj strukture inkurajojnë leçjanin Karlo Bollino, të godasë kolegët e tyre

‘Shënjestroi’ Parlamentin, SHISH-in dhe institucione të tjera, kush është 15-vjeçari që theu sigurinë e faqeve shtetërore

Plas sherri pas përplasjes së makinave, 4 të arrestuar dhe një në kërkim në Durrës

KRYESORE

Vetting-u/ Ish-kandidati i ‘G99’ heton sot si i pavarur gjykatësit dhe prokurorët e Shqipërisë

Politiko 13 Prill 2018, 18:31

Roland Ilia është një prej komisionerëve të Komisionit të Pavarur të Kualifikimit që po heton dhe analizon dosjet e gjyqtarëve dhe prokurorëve të Shqipërisë.

Ilia është një prej komisionerëve që ka marrë vendimin për ndërprerjen e procesit të vetting-ut për ish-kryeprokurorin Adriatik Llalla dhe ish-anëtarin e Gjykatës Kushtetuese Besnik Imeraj, të cilët refuzuan dhe u dorëhoqën nga postet e tyre në sistemin e drejtësisë.

Rasti i fundit që kishte në dorë ky komisioner ishte ai i gjykatësit të Durrësit, Besim Trezhnjeva, i cili është shkarkuar nga detyra sepse nuk justitifkoi dot pasurinë.

Por Roland Ilia nuk është aq i pavarur politikisht, të paktën nëse marrim në konsideratë të kaluarën e tij si pjesë e “G99”, parti e krijuar nga Erion Veliaj, sot kryebashkiak i Tiranës.

Emri i Roland Ilia renditej i pari në listën e ‘G99’ për qarkun e Shkodrës në zgjedhjet parlamentare të 2009-ës. Ashtu si në çdo qark tjetër, edhe në Shkodër ‘G99’ nuk arriti të nxjerrë asnjë deputet.

Pas dështimit me këtë parti, kryetari i saj Erion Veliaj e shkriu me Partinë Socialiste, për të marrë fillimisht postin e ministrit të Mirëqenies Sociale në qeverinë e parë ‘Rama’ dhe më pas postin e kryebashkiakut të Tiranës.

Të fundit