Flash News
Si e toleroi Ceno Klosi kompaninë e inceneratorëve, negociatat e dyshimta për miliona euro
Flet Abazoviç: Pse Mali i Zi votoi kundër Kosovës në KiE
Pas arrestimit të Berberit, Rama emëron drejtorin e ri të Autoritetit Rrugor Shqiptar
Përfshihet në flakë një apartament te bulevardi ‘Zogu i Parë’ në Tiranë
Berisha: Ishim opozita e parë që kërkuam anëtarësimin në NATO pas rënies së komunizmit
Ambasadori turk shton kërkesat: Dëboni mbështetësit e Gyleni në biznes, gjyqësor e media
Ambasadori i Turqisë në Tiranë, Murat Ahmet Yoruk, në aktivitetin e vendosjes se memorialit kushtuar viktimave të grushtit të shtet kërkoi nga qeveria shqiptare largimin e të gjithë mbështetësve të klerikut Fetullah Gylen, siç njihet ndryshe FETO.
Sipas tij, grushti i shtetit më 15 korrik 2016 ka qene aksioni më i përgjakshëm terrorist në historinë e Republikës së Turqisë.
"Ky aksion i përgjakshëm terrorist dhe kjo tentativë për grusht shteti dështuan sapo populli turk, i gatshëm për të dhënë gjakun dhe jetën e tij, u doli për zot rendit kushtetues, parlamentit dhe qeverisë së tij të ligjshme. Sot ne jemi së bashku me prindërit e dëshmorëve tanë të shenjtë dhe me veteranët, të cilët kanë ardhur nga Turqia në Shqipëri për këtë ceremoni", deklaroi ambasadori turk, transmeton agjencia e lajmeve turke Anadolu.
Ambasadori shtoi më tej se theksoi se FETO vazhdon praninë e saj në Shqipëri, kryesisht në arsim, çështjet e fesë dhe shëndetësi dhe shtoi se sa më shumë të thellohet prania e FETO-s në Shqipëri, aq më i madh do të jetë dëmi i saj ndaj qytetarëve.
"Anëtarët e FETO-s duke i fshehur qëllimet e tyre të vërteta, ashtu si kanceri, depërtojnë tinëzisht në të gjitha indet e vendeve ku ndodhen. Ata shtinë në dorë institucione të tilla si të sigurisë, gjyqësorit, ushtrisë, si dhe median dhe botën e biznesit. Me konceptet e tyre perverse ata përpiqen të kontrollojnë vendet ku ndodhen. Deri tani në 22 vende i është dhënë fund veprimtarisë së shkollave të lidhura me FETO-n dhe në 19 vende këto shkolla tashmë administrohen nga Fondacioni Turk Maarif. Edhe në Shqipëri shkollat e Fondacionit Maarif kanë filluar me sukses veprimtarinë e tyre", theksoi ambasadori turk.
Është hera e parë që në Shqipëri ndërtohet një monument dedikuar ngjarjeve të ndodhura në një shtet të huaj.
- Mazniku para memorialit turk: Erdogan dha leksione demokracie për botën
- Memoriali, analisti amerikan: Qeveria shqiptare, vegël e Erdogan
- Kleriku bën thirrje për shkulje të memorialit turk: Si shtatoren e Enverit