Flash News

Video/ Protestuesit 'lajnë' me vezë makinën e deputetit të PS

Zjarri vijon të përhapet në fshatrat e Finiqit, lëndohet zjarrfikësi

Momenti kur Bardhi hedh ujë ndaj Ramës, Peleshi e përjashton nga Kuvendi

BE i kërkon shfuqizimin, qeveria i hap rrugën privatizimit të zonave të mbrojtura

Gaz lotsjellës dhe piper, 17 persona përfundojnë në spital

E-TJERA

Rama: Nuk i njoh Zoton, Mërtirin dhe Gugalljan. Si reagon kur Këlliçi i nxjerr videon nga ceremonia 3 m pranë tyre

Politiko 23 February 2022, 17:42

Rama: Nuk i njoh Zoton, Mërtirin dhe Gugalljan. Si reagon kur

Kryeministri Edi Rama ka mohuar të ketë njohje me Klodian Zoton, Mirel Mërtirin dhe Stela Gugalljan, si personat që kanë në pronësi inceneratorët e Tiranës, Elbasanit dhe Fierit, aktualisht të shpallur në kërkim nga SPAK.

I pyetur nga deputeti Belind Këlliçi nëse i njeh dhe se pse nuk vijnë të dëshmojnë në Komisionin Hetimor për Inceneratorët, Rama insistoi se këta persona nuk i ka takuar asnjëherë.

Belind Këlliçi: Tre nga pronarët Zoto, Gugallja dhe Mërtiri janë të shpallur në kërkim , ish ministri Lefter Koka në burg. Nëse jeni krenar që keni udhëhequr këtë revolucion me këta persona ,pse nuk vijnë të dëshmojnë?

Rama: Ju keni folur për aferë të shekullit, por duhet të kalonte aferën e Rrugës Kombit. Janë vjedhur 430 mln euro keni thënë.  

Revolucioni është  atyre që kanë vizionin, i qeverisë që po merrni në pyetje. Për tre personazhet ju siguroj që nuk i njoh, nuk i kam takuar asnjëherë. Kërkohen se prokuroria dyshon për një aferë korruptive mes ministrit dhe tyre që kanë ndarë para. Flitet për një shumë mes tyre jo 430 mln. Nuk gëzohem për askënd që përfundon pas hekurave.

Këlliçi ndërkohë kujton Ramës një video të 18 prill 2017 gjatë një ceremonie për prezantimin e inceneratorit të Elbasanit, ndërsa pas Ramës shfaqen tre pronarët sot në kërkim.  

Këlliçi: Këta persona ju kanë shoqëruar në ceremoni ku keni marrë pjesë. ju thatë nuk i njihni , janë 3 metra larg jush...

Rama: Nëse i njeh njerëzit që i ke pasë 3 mbrapa... kam shkuar në shumë biznese, ka njerëz që kam folur ka që kanë mbetur mbrapa. Nuk i njihja. Vendimmarrjet e mia bazohen te kush jam unë.

 

Të fundit