Flash News

PS refuzon kërkesat e protestuesve, rrëzon kërkesën e PD për mocion me debat

60 kursantë të helmuar në Akademinë e Sigurisë, policia jep detaje: Po hetohen, janë marrë mostra nga ushqimi

Detaje nga krimi në Kavajë, si e vrau vëllai-vëllanë për një rrugë

Eurodeputetja gjermane i bashkohet protestës kundër Ramës: Paraja dhe pushteti nuk blejnë çdo bregdet

Sherr në Sukth, daja plagos me thikë nipin

KRYESORE

Sulmi ndaj Berishës, analisti amerikan David Phillips në Politiko: Dëshmon kalbëzimin e shoqërisë shqiptare nën udhëheqjen aktuale

Politiko 7 Dhjetor 2022, 23:02
Sulmi ndaj Berishës, analisti amerikan David Phillips në Politiko:
David Philips

Analisti amerikan, njëherësh njohësi i çështjeve të Ballkanit, David Phillips ka dënuar sulmin fizik ndaj kreut të PD Sali Berisha një ditë më parë në protestën e opozitës.

Në një reagim për Politiko.al,  Phillipsi, i cili është drejtor i Programit për Ndërtimin e Paqes dhe Drejtësisë në Institutin për Studimin e të Drejtave të Njeriut, e ka komenton ngjarjen si një dëshmi të  kalbëzimit të shoqërisë shqiptare nën udhëheqjen aktuale, të qeverisë Rama.

“Sulmi ndaj Dr Berishës dramatizon kalbëzimin e shoqërisë shqiptare nën udhëheqjen aktuale. Në vend që të adresonte mosmarrëveshjet përmes dialogut, një mbështetës i qeverisë iu drejtua dhunës”, shprehet analisti amerikan.

Në reagimin e tij, analisti ngre shumë dyshime nëse autori Gert Shehu veproi i vetëm apo nëse incidenti u frymëzua nga armiqësia e qeverisë ndaj PD-së.

“A veproi autori i vetëm? A u frymëzua nga armiqësia e qeverisë ndaj PD-së? A është bërë Shqipëria pa ligj, e kontrolluar nga gangsterët? Këto janë pyetje që duhet t'i drejtojë Edi Rama”, shprehet analisti amerikan për Politiko.al.

Kujtojmë se prej ditës së djeshme, ngjarja e mesditës së 6 dhjetorit në protestën e thirrur nga opozita është pasqyruar edhe nga mediat e huaja, ndërsa ngjarja është dënuar edhe nga ambasadat e SHBA, Britanisë apo OSBE në Tiranë.

Pas ngjarjes, sot u arrestua nga spitalin e Traumës, 31-vjeçari Gert Shehu me akuzën e ‘Goditjes për shkak të detyrës’./S.F/

 

Të fundit