Flash News

Starton sot Giro D’Italia, ja akset rrugore që bllokohen në Tiranë nga ora 13:00-18:00

Kush është Papa i ri?

Papa Leo i XIV përshëndet për herë të parë besimtarët në sheshin e Shën Pjetrit

Tym i bardhë nga Vatikani: Është zgjedhur Papa i ri

"Liria funksionon", PD përshëndet qëndrimin e DASH: E drejta vonoi, por u kthye në vend

POLITIKOFF

Gjykata greke i jep të drejtë bashkëshortit të Angela Martinit, çifti niset drejt Milanos

Politiko 10 Shtator 2021, 13:37
Gjykata greke i jep të drejtë bashkëshortit të Angela
Dragos Savulescu dhe gruaja e tij Angela Martini jashtë gjykatës në Syros me avokatin e tyre Michalis Dimitrakopoulos

Bashkëshorti i modeles shqiptare Angela Martini, biznesmeni Dragos Savulescu ka njoftuar sot Gjykata e Apelit në Syros, Greqi ka bllokuar një përpjekje të Rumanisë për ekstradimin e tij.

Gjykata ishte në krah të Savulescu, duke rënë dakord se Rumania nuk kishte fuqi të detyronte ekstradimin e tij nga Greqia dhe urdhëroi një pushim të menjëhershëm të një urdhër arresti rumun.

Bashkëshorti i modeles u arrestua në ishullin Mykonos më 9 gusht, pasi kishte urdhër arresti nga Interpoli. Gjykata e Apelit në Napoli, në Itali, ku Savulescu është rezident, ka refuzuar më parë kërkesën e ekstradimit drejt Rumanisë, ndërsa ka njohur ligjërisht çështjen në Itali dhe ka aplikuar një amnisti ndaj dënimit, sipas ligjit italian.

Ndërsa doli nga gjykata në Syros, Dragos Savulescu, tha: “Ne jemi të kënaqur që gjykata në Greqi ka pranuar se urdhri i ekstradimit është ligjërisht pa meritë dhe se kam të drejtë të kthehem në Itali.

Edhe pse javët e fundit kanë qenë ferr, arrestimi im në Mykonos të paktën ka dëshmuar përsëri sesi autoritetet rumune janë të gatshme të abuzojnë me ligjin italian dhe evropian duke ndjekur një urdhër ku ata nuk kanë autoritet për ta bërë këtë".

Çifti u largua nga Mykonos pas seancës gjyqësore dhe janë kthyer në shtëpinë e tyre në Milano. Ndërsa Martini u shpreh: "Jam shumë e lumtur. Ndihem sikur ky makth më në fund ka mbaruar".

Ai ka hedhur poshtë pretendimet se iku nga Rumania për të shpëtuar nga burgu, duke këmbëngulur se tashmë është një banor i ligjshëm i Italisë. Çifti, të cilët u martuan në Shtetet e Bashkuara në 2017, thonë se janë të vendosur të pastrojnë emrin e Savulescu dhe të denoncojnë sistemin "abuziv" në Rumani. "Ne kemi heshtur për tre vjet, por mjaft është mjaft," tha z. Savulescu.

 

Të fundit