Flash News

Rama sulmon mediat ndërkombëtare: Pse e bëni një protestë me 2 mijë vetë kaq dramatike

Shpërthen protestuesi që vuan nga kanceri: Onkologjiku, Aushvic në mes të Tiranës

Europarlamentari paralajmëron: Nëse Shqipëria ngel jashtë BE-së, do të jeni në duart e Kinës e Rusisë

Europarlamentari: Të gjithë janë pro Shqipërisë në BE, por a mund të kemi Ramën në Këshillin Europian?

Aksident në aksin Pogradec–Qafë Thanë, dy të plagosur

KRYESORE

Firma e Princeshës për shembjen e teatrit; a lidhet me kullën që i është premtuar Princ Lekës në zonën më të lakmuar të Tiranës?

Politiko 7 Korrik 2018, 12:08
Firma e Princeshës për shembjen e teatrit; a lidhet me kullën

Aktorja Elia Zaharia ishte një prej atyre që firmosi një letër dërguar Ministrisë së Kulturës ku mbështeste shembjen e godinës së Teatrit Kombëtar.

Ky veprim i Zaharisë shkaktoi shumë reagime për faktin se ajo është pjesë e familjes mbretërore shqiptare, gruaja e Princit Leka, pasardhës i Mbretit Zog. Godina e teatrit është ndërtuar me porosi të Zogu I, si pjesë e marrëveshjes italo-shqiptare të janarit të 1938. Por, 80 vite më pas, princesha e familjes hodhi firmën për shkatërrimin e godinës së ndërtuar nga mbreti.

Princeshë Zaharia nuk ka komentuar arsyet që e kanë çuar të kërkojë shembjen e godinës, por informacionet që vijnë e lidhin firmën e saj me një tjetër projekt, pak metra më larg nga ku ndodhet sot Teatri Kombëtar.

Politiko.al mëson se Princ Leka ka arritur të marrë leje për ndërtimin e një godine shumëkatëshe në tokën pas ish-hotel ‘Dajtit’ në kryeqytet, ku ai është bashkëpronar. Ndonëse leja ka kohë që është dhënë nga Bashkia e Tiranës, që drejtohet nga Erion Veliaj, punimet nuk kanë nisur, çka do të thotë se nevojitet rinovim i kësaj leje, pasi ato jepen me një afat një deri në dy vite për të nisur ndërtimin.

Zona pas ish-hotel ‘Dajtit’ është një nga më të lakmuarat në Tiranë për shkak të pozicionit ku ndodhet.

Artan Fuga sërish kritika Mirela Kumbaros: Shporru fantazëm e antikulturës nga bota shqiptare!

Të fundit