Gjonaj propozon 1 vit burg për memet, “armët” e Ramës për të ironizuar kundërshtarët politikë

Ministrja e Drejtësisë, Etilda Gjonaj i ka propozuar Kuvendit disa ndryshime në Kodin Penal, ku parashikohet ndër të tjera ndëshkim me gjobë deri dënim me burg për këdo që do publikojë në rrjete sociale shprehje apo video me qëllime ironike, të ashtuquajturat “Meme”.

Në draft parashikohet se ndjekja penale fillon me ankim të "viktimës" ose përfaqësuesit ligjor të tij. Por dënimi me burg mund të evitohet nëse mesazhi apo videoja ironike, që pretendohet nga propozuesi se cenon imazhin, tërhiqet.

“Publikimi në çdo formë, mënyrë apo mjet i një montazhi të realizuar me fjalët ose imazhin e një personi pa pëlqimin e tij, nëse kryhet për qëllime përfitimi material ose jo material, apo kur ka qëllim të dëmtojë reputacionin e një personi, kur materiali nuk shfaqet dukshëm që është një montazh ose nëse nuk përmendet shprehimisht se është i tillë, përbën kundërvajtje penale dhe dënohet me burgim deri në 1 vit”, thuhet në  nenin 238 të ligjit.

Qeveria ka në plan të kalojë në Kuvend në ligj, duke “harruar” se edhe vetë kryeministri i ka shfrytëzuar vazhdimisht për të ironizuar kundërshtarët politikë, kreun e PD, Lulzim Basha, presidentin Ilir Meta, kryetaren e LSI, Monika Kryemadhit, përmes Instagram dhe Facebook.

Ne kemi përzgjedhur disa prej tyre, që Rama i ka publikuar vitet e fundit, shoqëruar edhe me komente ironike, në përgjigje edhe të akuzave të opozitës.