Flash News

Dënohet me 10 vite burg ‘skifteri’ shqiptar që terrorizoi Anglinë

Furgoni përplaset me zetorin në aksin Rrogozhinë-Lushnjë, një i plagosur /EMRI

Stuhia shkakton të lënduar në Sarandë, humb jetën një punonjës i OSHEE-së gjatë riparimit të rrjetit elektrik

Stuhia godet edhe Shqipërinë, era e fortë boshatis Lungomaren në Vlorë

Sekuestrohen 770 kg k*kainë në Itali, shumica e paketimeve me flamur serb

E-TJERA

Si u tentua të pengohej protesta e PD-së, Berisha “human” me agresorin

Politiko 6 December 2022, 14:27

Si u tentua të pengohej protesta e PD-së, Berisha “human”

Sikurse kishte paralajmëruar, Partia Demokratike zhvilloi protestën paqësore kundër qeverisë. Demokratët i përcollën sot liderëve europianë, që gjenden në Tiranë për samitin BE-Ballkani Perëndimor, mesazhin e gjendjes aktuale të vendin.

Protestuesit që mbajtën fjalën në podiumin e vendosur në bulevardin “Dëshmorët e Kombit”, hodhën akuza ndaj qeverisë se është e korruptuar dhe e lidhur me krimin.

Protesta nisi me një incident, ku një person, i cili dyshohet se është simpatizant i PS-së, hyri në mes të turmës dhe goditi me grusht liderin e opozitës, Sali Berishën.

Pavarësisht se fokusi u zhvendos te ky gjest, Berisha nuk u ndal dhe rinisi marshimin së bashku me protestuesit drejt “Dëshmorëve të Kombit”.

Ai u akuzoi socialistët për incidentët e sotëm, ndërsa i kërkoi policisë që të linte të lirë agresorin, Gert Shehun, 31-vjeç.

“Së fundmi, le t’i themi policisë; liroje fatkeqin, liroje. Sepse, ai është një mjeran, që ka shitur veten. Dhe përpiqen sot, ta lidhin meqenëse është një samit, e vërteta e pamohueshme, liderë të krishterë, me bishta që çojnë nga Turqia apo ndonjë vend tjetër.

Nuk kanë asgjë të përbashkët. Ka vetëm një autor, ky është Edi Rama. Ka vetëm një arkitekt, është Edi Rama. Atë lirojeni dhe mos shpërndani dokrra dhe përralla, se autori i vërtetë është i ulur në samit si kryekriminel i Ballkanit dhe Europës”, tha Berisha.

Ky i fundit nuk u ndal vetëm te revolta kundër qeverisë, por shprehu mirënjohje për mbështetjen që kanë dhënë partnerët e huaj për Shqipërinë. Ai vlerësoi si të rëndësishëm faktin që samiti u zhvillua në Tiranë.

Të fundit