Flash News

Malta sekuestron ngarkesën me ushqime nga Shqipëria:Pa dokumente dhe pa kontroll temperature

Temperaturat arrijnë 38 gradë, si parashikohet moti sot

Protesta në Tiranë merr përmasë ndërkombëtare, 5 kërkesat i përcillen ambasadave perëndimore

KQZ shpall nesër rezultatet përfundimtare të zgjedhjeve në Kosovë

Dalin notat e provimit të Matematikës

KRYESORE

Artistët refuzojnë peticionin e Veliajt, vetëm 14 prej tyre pranojnë të firmosin sërish për shkatërrimin e Teatrit Kombëtar

Politiko 26 Korrik 2018, 13:18
Artistët refuzojnë peticionin e Veliajt, vetëm 14 prej tyre

Kryebashkiaku i Tiranës, Erion Veliaj po mundohet të propagandojë se të gjithë aktorët dhe regjisorët janë bashkuar në kërkesën për të shkatërruar Teatrin Kombëtar, por e vërteta qëndron ndryshe.

Veliaj publikoi sot një peticion të firmosur nga disa aktorë dhe regjisorë, si dhe nga disa persona të panjohur, ku i bëhet thirrje presidentit Ilir Meta që të firmosë ligjin që i hap rrugë shembjes së teatrit.

Ky peticion, i ngjashëm me atë të fund qershorit, është firmosur nga 54 persona, 11 më pak se peticioni i parë. Robert Ndrenika, Arben Derhemi dhe Alfred Trebicka janë hyrjet e reja nga grupi i aktorëve që kërkojnë shembjen e godinës, ndërkohë që shumë aktorë të tjerë të njohur nuk kanë pranuar të firmosin sërish.

Fakt është që nga peticioni i parë, vetëm 14 prej aktorëve dhe regjisorëve kanë pranuar të firmosin edhe peticionin e dytë, çka do të thotë se shumë prej tyre kanë reflektuar për këtë çështje. Midis aktorëve që kanë firmosur sërish peticionin janë Luftar dhe Gazmend Paja, Zamira Kita, Artan Imami, Erion Isai, Gent Hazizi dhe Gent Kame.

Ndërkohë, aktorë të tjerë si Viktor Zhusti, Petrit Malaj, Kastriot Çaushi, Elia Zaharia, Eva Alikaj, Pëllumb Kulla, Josif Papagjoni, Haxhi Rama, etj, nuk kanë firmosur në peticionin e Erion Veliajt për shembjen e Teatrit Kombëtar, ndryshe nga sa vepruan në muajin qershor.

Enver Petrovci përgënjeshtron deklaratën për shembjen e teatrit: Godina e re të ndërtohet te ‘Piramida’

Të fundit