Flash News

Gjykojeni protestën nga kundërshtarët

Aksident në Greqi, ndërron jetë 16-vjeçari shqiptar

Protesta trazon PS-në/ Zegjineja e ‘meme-ve’ sulmon influenceren: Shëmtirë, diote. Balla kapet me Reuters

Vrasja në Paskuqan/ Autori është gjurmuar deri në Bovillë, ka braktisur mjetin

Publikoi tezën e Letërsisë 20 minuta pas nisjes së provimit, përjashtohet maturanti në Kukës

E SHPJEGUAR

Departamenti i Shtetit 'rrëzon' non grata-n: Berisha mund të vijë në Amerikë. Çfarë do të thotë, dhe pse u mor vendimi pak ditë para 11 majit?/ E SHPJEGUAR

Politiko 8 Maj 2025, 00:17

Politiko.al

Gazetari amerikan Mark Caputo i referohet Departamentit Amerikan të Shtetit kur shpall në llogarinë e tij në X se shefit të opozitës në Shqipëri, Sali Berishës, praktikisht i është hequr non grata, dhe ai mund të udhëtojë në Shtetet e Bashkuara.

Caputo shkruan: “E pyeta Departamentin e Shtetit për statusin e vizës së Berishës dhe më thanë se ai mund të vijë në SHBA.

Gazetari zbardh edhe përgjigjen e plotë të DASh:

“Ne japim shpesh përjashtime për të lehtësuar udhëtimet e personave të përcaktuar në SHBA në përputhje me detyrimet tona ndërkombëtare dhe interesat kombëtare. Nuk do të lejojmë që interesat tona të politikës së jashtme apo marrëdhënia me Shqipërinë të bllokohen nga vendime të politizuara të epokës Biden.”

Çfarë nënkupton kjo?

Më së pari një ndryshim qëndrimi nga SHBA nëpërmjet Departamentit të Shtetit, institucionit që edhe e lëshoi non gratën.
Nëse Berisha tani ka të drejtë të udhëtojë në SHBA, kjo tregon një përjashtim të përkohshëm dhe të veçantë (waiver), që jepet për arsye diplomatike apo ligjore; dhe gjithashtu një qasje e zbutur dhe e ndryshuar nga administra amerikane.

Termi i përdorur nga zyrtari i DASH “vendime të politizuara të epokës Biden” nënkupton se kjo deklaratë është politike dhe burokratike në të njëjtën kohë.

Një deklaratë e tillë sugjeron se ka pasur një komunikim formal dhe një përjashtim specifik për Berishën, cka do të thotë se jemi në rrugën e një vendimi zyrtar për heqjen e sanksioneve ndaj liderit të opozitës.  

Pyetja që mbetet është: a është ky një vendim i administratës Trump i marrë pikërisht tani, pak ditë para zgjedhjeve në Shqipëri, për të ndihmuar Sali Berishën dhe shanset e tij dhe të opozitës kundër Edi Ramës?

 

Departamenti i Shtetit 'rrëzon' non grata-n: Berisha mund të

Të fundit