Flash News

Kongresi Amerikan vë nën lupë Edi Ramën për narkotrafik dhe represion politik

"Na tregoni dokumentet", banorët e Nikaj-Mërturit kërkojnë transparencë për ndërhyrjet në lumin Mërtur

Greqi/ Shqiptarja ndërron jetë pas lindjes

Goditi me shkelm një person pas sherri në rrugë, procedohet pronari i kompanisë farmaceutike “CFO Pharma”, Nadir Çausholli

Zjarr i madh në Fushë-Shijak, flakët i afrohen autostradës Tiranë-Durrës

POLITIKOFF

Dua Lipa shkruan historinë në Spotify, bëhet artistja e parë femër me 4 këngë mbi 2 miliardë dëgjime

Politiko 7 Korrik 2026, 11:38

Dua Lipa shkruan historinë në Spotify, bëhet artistja e parë

Dua Lipa ka arritur një tjetër sukses të jashtëzakonshëm në karrierën e saj muzikore, duke vendosur një rekord të ri në platformën Spotify.

Këngëtarja me origjinë shqiptare është bërë artistja e parë femër që ka katër këngë të cilat kanë kaluar secila shifrën e 2 miliardë transmetimeve në platformën më të madhe të muzikës online.

Arritja e fundit erdhi me hitin “Levitating”, i cili iu bashkua listës ekskluzive të këngëve që kanë kaluar këtë kufi. Në të njëjtin grup ndodhen edhe “Don’t Start Now”, “One Kiss” dhe “New Rules”, të cilat prej vitesh kanë qenë ndër këngët më të dëgjuara në botë.

Ndër këto hite, “Don’t Start Now” mban rekordin personal të artistes, me mbi 2.5 miliardë dëgjime në Spotify.

Edhe pse artiste si Billie Eilish dhe Olivia Rodrigo kanë disa këngë që kanë kaluar 2 miliardë transmetime, Dua Lipa mbetet e vetmja artiste femër me katër këngë që kanë arritur këtë sukses.

Vitet e fundit kanë qenë veçanërisht të suksesshme për këngëtaren, e cila ka sjellë projekte të reja si “Houdini” dhe “Training Season”, ndërsa kënga “Dance the Night”, pjesë e kolonës zanore të filmit “Barbie”, i solli dy nominime në çmimet Grammy.

Me miliona fansa në mbarë botën dhe rekorde të vazhdueshme, Dua Lipa vijon të forcojë pozicionin e saj si një nga emrat më të mëdhenj të muzikës pop ndërkombëtare.

Të fundit