Flash News

Berisha nga SPAK: U zhdukën 130 mln euro nga djegësi i Tiranës, asnjë zyrtar i lartë nuk është prangosur

Berisha: Balluku bën ligjin te Skapi i partisë, ja mesazhi që i lashë Dumanit

Shqipëria një nga vendet kryesore të tranzitit të heroinës në Europë, dyfishohet dhe kokaina

Posta e mëngjesit/ Me 2 rreshta: Çfarë pati rëndësi dje në Shqipëri

Irani dhe Katari rifillojnë tregtinë detare pas pesë muajsh ndërprerje

E-TJERA

Ish-ministri analizon protestat: Protestohet kundër arrogancës dhe aleancës politikë-krim

Politiko 6 Korrik 2026, 12:33

Ish-ministri analizon protestat: Protestohet kundër arrogancës dhe

Ish-ministri i Jashtëm, Ditmir Bushati, ka reaguar me një analizë të gjatë lidhur me protestat që po zhvillohen në Tiranë dhe në qytete të tjera të vendit, duke theksuar se ato pasqyrojnë një moment të rëndësishëm shoqëror dhe politik në Shqipëri.

Sipas Bushatit, protestat nuk lidhen vetëm me pakënaqësinë ndaj qeverisë së drejtuar nga Edi Rama, por edhe me probleme më të thella si korrupsioni, lidhjet mes politikës dhe krimit, si dhe mungesa e meritokracisë në vend.

Ai shprehet se pjesëmarrja në protesta tregon një “zgjim qytetar” dhe një ndjenjë solidariteti mes qytetarëve, veçanërisht brezit të ri që nuk është i lidhur me periudhat e mëparshme të tranzicionit.

Bushati thekson gjithashtu se Shqipëria po përjeton një “katarsis shoqëror”, ku qytetarët po kërkojnë ndryshim dhe një model më të drejtë zhvillimi, të bazuar në standarde europiane dhe institucione më të forta demokratike.

“Protestat në Shqipëri pasqyrojnë shqetësime të thella që kërkojnë reflektim serioz dhe veprime kuptimplota për modelin demokratik dhe zhvillimor të vendit... gjatë këtyre javëve Shqipëria po përjeton një çlirim kolektiv emocional që nuk ndërmjetësohet nga partitë, udhëheqësit apo institucionet. Njerëzit nuk po protestojnë vetëm kundër arrogancës, personalizimit të tejskajshëm të pushtetit dhe aleancës së dëmshme mes politikës, oligarkisë, krimit të organizuar dhe medias. Ata po përjetojnë ndjesinë e solidaritetit, dinjitetit dhe vetëdijen për interesin publik.

Një nga produktet më të rëndësishme të kësaj proteste, sado e larmishme të jetë ajo, është katarsisi shoqëror. Bashkë me të po krijohet edhe një bazë e re për një ushtrim më të besueshëm demokratik, që mund ta shndërrojë energjinë e shesheve në realitet politik.

Së treti, Shqipëria nuk ka pasur kurrë kaq simpati ndërkombëtare. Gjatë luftës në Kosovë, vëmendja ndaj vendit tonë lidhej kryesisht me bujarinë e shqiptarëve në strehimin e motrave dhe vëllezërve nga Kosova. Sot kjo vëmendje është për diçka krejt tjetër: për faktin se qytetarët po kërkojnë të shkëputen nga një model politik dhe ekonomik që ka asfiksuar konkurrencën dhe meritokracinë. Një model që është ndërtuar në kurriz të brezave të shkuar dhe atyre të ardhshëm: të parëve duke ua ngrënë kontributin, të dytëve duke ua rrënuar trashëgiminë.

Së katërti, pasqyrimi i përditshëm i protestave në Shqipëri nga mediat më prestigjioze ndërkombëtare, duke u përqendruar te shkaqet reale të zemërimit qytetar dhe te mobilizimi i diasporës sonë si kurrë më parë, është investimi më i mirë për imazhin tonë si popull dhe për rrugën tonë drejt Bashkimit Europian.

Rruga jonë drejt BE-së është penguar pikërisht nga ato plagë kundër të cilave protestohet sot: korrupsioni i përhapur, krimi i organizuar, institucionet e politizuara dhe kapja oligarkike e pasurive publike. Ajo që po ndodh sot është kundërprova më e fuqishme që ka ekzistuar ndonjëherë. Shqiptarët po kërkojnë jetësimin e standardeve europiane”, shkruan Bushati.