Flash News

Këlliçi nxjerr zbuluar Ramën: KKT miratoi draftin për park fotovoltaik në Porto Palermo

Kurbin/ Digjen qëllimisht 5 kamionë në një gurore

Vrau policin Enea Mekolli, Braçellari del nga spitali i Traumës

Makina përplaset me taksinë në Memaliaj, katër persona të plagosur

Posta e mëngjesit/ Me 2 rreshta: Çfarë pati rëndësi dje në Shqipëri

SPORT

Mbappe shkruan histori me Francën, vetëm një gol larg rekordit të Messit

Politiko 5 Korrik 2026, 11:46

Mbappe shkruan histori me Francën, vetëm një gol larg rekordit

Kylian Mbappe vazhdon të thyejë rekorde me fanellën e Francës. Sulmuesi francez ishte vendimtar në suksesin 1-0 ndaj Paraguait në 1/8-at e Botërorit 2026, duke realizuar golin e vetëm të takimit nga pika e bardhë dhe duke i siguruar "Gjelave" një vend në çerekfinale.

Me këtë realizim, Mbappe shënoi golin e tij të 19-të në historinë e Kupës së Botës, duke u ngjitur në krye të listës së golashënuesve francezë në këtë kompeticion dhe duke mbetur vetëm një gol larg rekordit absolut të Lionel Messit. Gjithashtu, ai vazhdon të jetë në garë për "Këpucën e Artë" të turneut.

Ndeshja ndaj Paraguait ishte shumë më e vështirë nga sa pritej për skuadrën e Didier Deschamps. Amerikano-jugorët u mbrojtën me shumë disiplinë dhe i rezistuan gjatë sulmeve franceze, derisa një penallti e fituar në pjesën e dytë u kthye në gol nga Mbappe, i cili nuk gaboi nga 11 metrat.

Falë këtij triumfi, Franca avancon mes tetë skuadrave më të mira të Botërorit dhe në çerekfinale do të përballet me Marokun, në një duel që pritet të jetë një nga më interesantët e kësaj faze.

Të fundit