Flash News

Qytetarët rrëzojnë bustin e Edi Ramës

Protestuesit urojnë Ramën për ditëlindje me tortë betoni

Protesta dhe miliardat përballë njëra-tjetrës, Rama: Projekti në Zvërnec do vijojë

Lamallari kërcënon avokatin me heqje licence pas akuzave për dhunë në qeli

U arrestua gjatë protestës te Kuvendi, gruaja e Altin Hilës: Protestoi për fëmijën tonë të sëmurë

Ditari i Maxhorancës

Lamallari kërcënon avokatin me heqje licence pas akuzave për dhunë në qeli

Politiko 4 Korrik 2026, 19:59

Lamallari kërcënon avokatin me heqje licence pas akuzave për

Pas akuzave se një i arrestuar gjatë protestave në Tiranë është dhunuar në ambientet e ndalimit gjatë krizave epileptike, Ministri i Ramës, Besfort Lamallari reagoi duke mbrojtur Policinë e Shtetit dhe duke thënë se Agjencia e Mbikëqyrjes Policore ka nisur verifikimet.

Por deklaratat e tij shkuan përtej një reagimi institucional, pasi ai paralajmëroi se në rast se pretendimet rezultojnë të pavërteta, ndaj deklaruesve mund të ketë ndjekje penale dhe masa deri te referimi në Dhomën e Avokatisë për avokatin përkatës.

“Duke marrë shkas nga deklaratat e bëra publike si në videon bashkëlidhur i kam kërkuar menjëherë Policisë së Shtetit informacion mbi pretendimet e rastit në fjalë. Policia e Shtetit më ka informuar se pretendime të tilla janë totalisht të pabaza dhe të pavërteta.

Më pas Agjencia e Mbikëqyrjes Policore ka nisur menjëherë verifikimet mbi pretendimet e parashtruara duke administruar të gjithë informacionin e nevojshëm.

Por ndërkohë institucioni i Avokatit të Popullit, i cili ka vepruar kryesisht dhe pavarësisht prej Policisë së Shtetit duke i vizituar të ndaluarit për akte dhune, po ashtu nuk ka shtruar asnjë problem të kësaj natyre.

Nëse edhe AMP-ja do të dalë në të njëjtat konkluzione Policia e Shtetit i lind e drejta dhe detyrimi jo vetëm për referimin në prokurori të deklaruesit sipas përcaktimeve ligjore në fuqi lidhur me përhapjen e qëllimshme të thënieve që nxisin urrejtje, por edhe për referimin në Dhomën Kombëtare të Avokatisë ku buron licenca e një avokati të dyshuar për papërgjegjshmëri etiko-profesionale”, shkruan Lamallari.

 Avokati i të ndaluarit këmbëngul se klienti i tij është përballur me dhunë fizike në gjendje të rënduar shëndetësore dhe se disponon prova për trajtimin e tij, duke kërkuar hetim të plotë dhe lirimin e menjëhershëm.

Sipas tij, i arrestuari ndodhet edhe në grevë urie, ndërsa gjendja e tij shëndetësore është injoruar nga autoritetet.

Në anën tjetër, organizata “Qëndresa Qytetare” e ka cilësuar qëndrimin e ministrit si presion ndaj avokatit dhe si tentativë për të intimiduar mbrojtjen ligjore përpara se të shqyrtohen provat.

Sipas saj, pretendimet për dhunë duhet të verifikohen vetëm përmes kamerave, dokumenteve mjekësore dhe hetimeve të pavarura, jo përmes paralajmërimeve për ndëshkime ndaj atyre që i bëjnë publike.

Të fundit