Flash News

Sërish kërkesë për arrestimin e Ballukut? Braho: Dy gjëra mund t’ju them...

Këmbimi valutor 3 korrik/ Me sa blihen e shiten dollari dhe euro

Protestuan kundër qeverisë, arrestohen 19 persona, procedohen penalisht 12 të tjerë

Qytetarët u dhunuan nga policia, Rama vijon retorikën e ashpër: Dështakë e kriminelë

Dhuna ndaj protestuesve, Koçeku-Ramës: Pushtetit i ka mbetur vetëm shkopi i gomës dhe prangat

E-TJERA

Çështja 'Balluku'/ Kreu i SPAK kundër imunitetit të deputetëve: Po pengon dhe dëmton hetimet

Politiko 3 Korrik 2026, 11:52

Çështja 'Balluku'/ Kreu i SPAK kundër imunitetit

Çështja e imunitetit të deputetëve u bë pjesë e debatit mes deputetit të Partisë Demokratike, Oerd Bylykbashi, dhe kreut të SPAK, Klodian Braho në Komisionin e Ligjeve.

Gjatë diskutimeve, Bylykbashi kërkoi të dinte nëse Prokuroria e Posaçme ka një strategji për të përballuar situatën e krijuar pas rikthimit të imunitetit, duke iu referuar konkretisht rastit të deputetes Belinda Balluku, ndaj së cilës nuk mund të vendoset masë sigurie për shkak të statusit të saj.

Braho nuk pranoi të komentonte rastin konkret të Ballukut, duke theksuar se qëndrimi i SPAK për atë çështje është bërë tashmë publik.

Megjithatë, ai shprehu bindjen e tij personale se deputetët nuk duhet të gëzojnë imunitet përballë drejtësisë.

Sipas kreut të SPAK, edhe pse imuniteti pengon vendosjen e masave të sigurisë, ai nuk e ndalon Prokurorinë e Posaçme të kryejë hetime të plota dhe të pavarura. Ai shtoi se mungesa e këtyre masave e vështirëson ndjeshëm procesin hetimor dhe mund të ndikojë negativisht në efektivitetin e tij.

"Qëndrimi i SPAK për çështjen konkrete është publik. Sa i përket situatës kushtetuese, imuniteti ndalon vendosjen e masave të sigurimit, por nuk pengon zhvillimin e hetimeve. Është e vërtetë që mungesa e një mase sigurie e vështirëson dhe e dëmton hetimin, por ne nuk bëjmë ligje; detyra jonë është t'i zbatojmë ato. Nëse do të varej nga unë, personalisht mendoj se deputetët nuk duhet të kishin fare imunitet", deklaroi Braho.

 

Të fundit