Flash News

Festimet për kualifikimin e Meksikës në Botëror kthehen në tragjedi, tre tifozë humbin jetën

SPAK kërkoi burg, GJKKO shpall të pafajshme Majlinda Bufin

Aksidenti në autostradën Durrës-Tiranë, 5 të plagosur dalin nga spitali, si paraqitet gjendja e të tjerëve

Posta e mëngjesit/ Me 2 rreshta: Çfarë pati rëndësi dje në Shqipëri

Protestuesit u tërhoqën zvarrë, Vengu qan hallin e deputeteve: Ç'taksirat kishin të sulmoheshin?

Bota

Festimet për kualifikimin e Meksikës në Botëror kthehen në tragjedi, tre tifozë humbin jetën

Politiko 1 Korrik 2026, 17:44

Festimet për kualifikimin e Meksikës në Botëror kthehen

Festimet masive për kualifikimin e Meksikës në fazën e 1/16-ave të Kupës së Botës u mbyllën me një bilanc tragjik në Ciudad de Mexico, ku tre persona humbën jetën nga asfiksia mes turmës së madhe të tifozëve.

Sipas autoriteteve shëndetësore të kryeqytetit meksikan, ngjarja ndodhi pranë monumentit simbolik Angel of Independence, ku mijëra qytetarë ishin mbledhur për të festuar fitoren 2-0 ndaj Ekuadorit.

Në njoftimin e parë, Sekretariati i Shëndetësisë bëri të ditur se, pavarësisht përpjekjeve të ekipeve mjekësore për t'i rikthyer në jetë, humbën jetën një 44-vjeçar dhe një vajzë 19-vjeçare, të dy viktima të asfiksisë.

Pak më vonë u konfirmua edhe viktima e tretë, një grua 48-vjeçare, e cila u ndje keq pranë zonës së festimeve. Ajo u transportua me urgjencë në spital, por nuk mundi të mbijetonte.

Qindra mijëra tifozë dolën në rrugë për të kremtuar suksesin historik të kombëtares, e cila arriti fitoren e parë në një ndeshje me eliminim direkt në Kupën e Botës pas katër dekadash.  

Të fundit