Flash News

Protestuesit u tërhoqën zvarrë, Vengu qan hallin e deputeteve: Ç'taksirat kishin të sulmoheshin?

Policia korrigjon bilancin e aksidentit tragjik: Viktimë mbeti vetëm shoferi, fëmija u rikthye në jetë në spital

Shoferi dyshohet se pësoi infarkt, 15 pasagjerë të plagosur nga aksidenti fatal, një fëmijë në gjendje të rëndë

Aksidenti fatal në autostradë, minibusi ishte i linjës Berat–Tiranë, dyshohet se humbi kontrollin

Aksidenti fatal në autostradën Durrës-Tiranë, mbi 10 pasagjerë të plagosur dhe 2 viktima

E-TJERA

Politico: Përshkallëzohet “Revolucioni i Flamingove”, eurodeputetët mbështesin protestën

Politiko 30 Qershor 2026, 22:02

Politico: Përshkallëzohet “Revolucioni i Flamingove”,

Protestat e njohura si “Revolucioni i flamingove” në Shqipëri u përshkallëzuan të martën, me përplasje mes protestuesve dhe policisë në kryeqytet, vetëm një ditë pasi eurodeputetë kishin shprehur mbështetje për lëvizjen gjatë vizitës së tyre në Tiranë, shkruan Politico.

Gjashtë protestues u arrestuan duke shënuar një kthesë nga protestat kryesisht paqësore që kishin vazhduar për 31 ditë. Protestuesit fillimisht kundërshtonin një projekt për ndërtimin e një resorti luksoz në bregdetin e jugut, i lidhur me Jared Kushner, dhëndrin e presidentit amerikan Donald Trump.

Me kalimin e javëve, kërkesat e tyre janë zgjeruar duke përfshirë dorëheqjen e qeverisë dhe opozitës, shfuqizimin e ligjeve për investimet dhe mjedisin që ata i konsiderojnë të favorshme për projekte që dëmtojnë natyrën, si dhe kërkesën për krijimin e një qeverie teknike.

Të dielën, eurodeputetja italiane Ilaria Salis mori pjesë në protestë, e ndjekur të hënën nga eurodeputetja gjermane Jutta Paulus dhe eurodeputetet holandeze Tineke Strik dhe Anna Strolenberg. Ato iu drejtuan turmës, duke shprehur mbështetje për protestuesit dhe duke kërkuar ndalimin e projektit të resortit.

Salis e cilësoi lëvizjen si një “shembull të rëndësishëm të demokracisë nga baza”, duke theksuar se ajo ka “rëndësi evropiane dhe globale” si kundërshtim ndaj një modeli zhvillimi që, sipas saj, favorizon interesa private mbi komunitetet dhe mjedisin.

 

Të fundit