Flash News

“Republika e Prokurorëve”, qytetari arrestohet për të njëjtin krim që e kishte mbaruar dënimin!

Nëna e 15-vjeçares së përfshirë në dhunimin e 17-vjeçares: Ka probleme të shëndetit mendor

Shpërthen në flakë “Benzi” në aksin Qafë Plloçë-Pogradec

Pushteti, kullat dhe Rama/ “The Albanian Files” si pasqyrë e një sistemi të centralizuar

Berisha tregon si e rrëzoi Rama planin britanik: Projekti do mbronte bregdetin, e ktheu në masakrim të territorit

SPORT

Zvicra thyen pritjen 72-vjeçare, eliminon Kolumbinë dhe shkon në çerekfinalen e Botërorit

Politiko 8 Korrik 2026, 08:30

Zvicra thyen pritjen 72-vjeçare, eliminon Kolumbinë dhe shkon

Zvicra është kualifikuar në çerekfinalet e Kupës së Botës 2026, pasi triumfoi ndaj Kolumbisë pas ekzekutimit të penalltive, në një sfidë që përfundoi 0-0 pas 120 minutash lojë në Vancouver.

Helvetët rikthehen mes tetë skuadrave më të mira të Botërorit për herë të parë që nga viti 1954, kur turneu u zhvillua në territorin e tyre.

Takimi ishte i balancuar nga minuta e parë. Kolumbia u shfaq më këmbëngulëse në fazën sulmuese, me James Rodríguez dhe Luis Díaz që kërkuan disa herë rrugën e rrjetës, por portieri Gregor Kobel u tregua vendimtar me ndërhyrjet e tij. Në anën tjetër, Camilo Vargas mbajti në lojë kolumbianët duke neutralizuar përpjekjet e Fabian Rieder dhe Dan Ndoye.

Edhe pas pushimit, ritmi mbeti i lartë, por asnjëra skuadër nuk arriti të zhbllokonte rezultatin. Zvicra iu afrua golit me Ndoye, i cili shpërdoroi një rast të pastër, ndërsa Kolumbia vazhdoi të ushtronte presion pa gjetur finalizimin e duhur.

Në kohën shtesë, amerikanolatinët pretenduan për një penallti, por arbitri vijoi lojën. Momenti më i rrezikshëm erdhi nga Jhon Lucumí, goditja me kokë e të cilit u ndal nga traversa. Në krahun tjetër, Zeki Amdouni provoi nga distanca, por Vargas reagoi saktë.

Fituesi u përcaktua nga pika e bardhë. Davinson Sánchez gaboi i pari për Kolumbinë duke goditur traversën, ndërsa Manuel Akanji nuk arriti ta shfrytëzonte menjëherë avantazhin, pasi e dërgoi topin mbi portë. Vendimtare rezultoi pritja e Gregor Kobel ndaj penalltisë së Cucho Hernández, duke i hapur rrugën Rubén Vargas, i cili realizoi goditjen e fundit dhe siguroi kualifikimin e Zvicrës.

Në çerekfinale, Zvicra do të përballet me Argjentinën, kampionen në fuqi të botës, ndërsa aventura e Kolumbisë në Botërorin 2026 mbyllet në fazën e 1/8-ve.

Të fundit