Flash News

"Shqiptarët kanë vrarë frikën", media italiane: Rama nuk është më i paprekshëm

“Shko direkt te Rama dhe merr lejen”, dëshmitë e arkitektëve të huaj në “The Albanian Files”

Nga vëllezërit Hoxhosmani tek Rraja, SPAK dërgon për gjykim 15 persona

“Republika e Prokurorëve”, qytetari arrestohet për të njëjtin krim që e kishte mbaruar dënimin!

Nëna e 15-vjeçares së përfshirë në dhunimin e 17-vjeçares: Ka probleme të shëndetit mendor

SPORT

Trajneri Roberto Martinez largohet nga Portugalia pas eliminimit nga Botërori

Politiko 8 Korrik 2026, 11:50

Trajneri Roberto Martinez largohet nga Portugalia pas eliminimit nga

Roberto Martinez nuk do të jetë më trajneri i kombëtares së Portugalisë. Tekniku spanjoll ka dhënë dorëheqjen pas eliminimit të skuadrës nga Kupa e Botës, pas humbjes 1-0 ndaj Spanjës në fazën e 16-shes.

Pas përfundimit të ndeshjes, Martinez bëri të ditur se kontrata e tij kishte përfunduar dhe se nuk do të vijonte në krye të përfaqësueses portugeze. Ai e cilësoi largimin si “fundin e një cikli”, duke pranuar se objektivi i tij ishte ta udhëhiqte Portugalinë drejt suksesit në Botëror.

Federata Portugeze e Futbollit konfirmoi zyrtarisht ndarjen me trajnerin 51-vjeçar, duke e falënderuar për punën e bërë gjatë periudhës së tij në drejtim të skuadrës.

Martinez mori drejtimin e Portugalisë në janar të vitit 2023 dhe pati një nisje pozitive, duke siguruar kualifikimin në turneun botëror dhe duke fituar Ligën e Kombeve në vitin 2025. Megjithatë, eliminimi ndaj Spanjës në fazën me eliminim direkt i dha fund aventurës së tij në stolin portugez.

Tashmë Portugalia do të nisë kërkimin për një trajner të ri, me synimin për të hapur një kapitull të ri pas largimit të Martinez.

 

Të fundit