Flash News

Kërkimet për 29-vjeçarin në Klos, Kosova vjen në ndihmë me një kontingjent kërkim-shpëtimi

Kulla e heshtjes, ndërtimi 16-katësh që sfidon ligjin dhe komunitetin në zemër të Tiranës

Aksident në aksin Elbasan-Peqin, plagosen tre efektivë policie

Kamioni përplaset me ambulancën, policia: Infermieri dhe babai i pacientit mes të plagosurve

Përplaset kamioni dhe ambulanca në aksin Fier-Lushnjë, katër të plagosur

E-TJERA

Gjykata e Lartë: Apeli favorizoi Dritan Dajtin me uljen e dënimit

Politiko 2 Tetor 2024, 10:59

Gjykata e Lartë: Apeli favorizoi Dritan Dajtin me uljen e dënimit

Gjykata e Lartë ka zbardhur vendimin e dënimit me burg përjetë të Dritan Dajtit. Ky i fundit akuzohet nga Prokuroria e Krimeve të Rënda për vrasjen e 5 personave në Durrës, mes tyre 4 efektivë të grupit të Operacionales, Fatos Xhani, Sajmir Duçkollari, Altin Dizdari dhe Kastriot Feskaj.

Ngjarja ndodhi më 7 Gusht 2009.

Në 74 faqe vendim, kolegji penal i kësaj gjykate Ilir Panda, Artur Kalaja dhe Sandër Simoni, kanë argumentuar se Gjykata e Apelit për Krime të Rënda, ka vepruar gabim në zgjidhjen e situatës ligjore, duke favorizuar Dritan Dajtin, për heqjen e dënimit me burg përjetë dhe dënimin e tij me 25 vite burgim.

Sipas gjykatës së Lartë favorizimi në Apel ka ardhur duke i pranuar Dajtit kërkesën për gjykim të shkurtuar, duke ulur dënimin në masën 1/3.

Treshja e gjyqtarëve të Gjykatës së Lartë, thonë se vendimi Nr. 13 i datës 8 shkurt 2019 që dënonte Dajtin me 25 vite burgim për vrasjen e 4 policëve, falsifikim dokumentesh dhe mbajtjes pa lejë të armëve, është marrë në kundërshtim me Nenin 403 të Kodit të Procedurës Penal si dhe me vendimin unifikues të Kolegjeve të Bashkuara të datës 29 janar 2003.

Duke u nisur nga kjo bazë ligjore, Gjykata e Lartë, gjeti shkak për të prishur vendimin e tre gjyqtarëve të Apelit për Krime të Rënda, Aleks Nikolli, Petrit Aliaj dhe Skënder Damini, të cilët i hoqën Dajtit dënimin me burg përjetë dhe i dhuruan atij dënimin me 25 vite burgim.

Të fundit