Flash News

Vrasja e efektivit në Maliq, flet për herë të parë nëna e Violand Braçellarit: Polici qëlloi i pari, nuk u paralajmërua

Kosova voton sot për Kuvendin e ri, mbi 2 milionë qytetarë me të drejtë vote

Posta e mëngjesit/ Me 2 rreshta: Çfarë pati rëndësi dje në Shqipëri

Rama sulmon mediat ndërkombëtare: Pse e bëni një protestë me 2 mijë vetë kaq dramatike

Shpërthen protestuesi që vuan nga kanceri: Onkologjiku, Aushvic në mes të Tiranës

E-TJERA

Vrau policin, lihet në burg Violand Braçellari

Politiko 7 Qershor 2026, 14:30

Vrau policin, lihet në burg Violand Braçellari

Gjykata ka caktuar masën e sigurisë “arrest me burg” për Violand Braçellarin, të dyshuarin për vrasjen e efektivit të policisë Enea Mekolli dhe plagosjen e kolegut të tij Edison Adri.

Vendimi i është komunikuar Braçellarit në ambientet e Spitalit të Traumës, ku ai vijon të marrë trajtim mjekësor pas plagëve të pësuara gjatë operacionit të forcave të policisë për kapjen e tij.

“1.Vleftesimin e ligjshëm të arrestit në flagrancë të personit nën hetim V.B, i dyshuar për kryerjen e veprave penale “Vrasje e punonjësve të policisë së shtetit”, “Vrasje e punonjësve të policisë së shtetit” ngelur në tentativë, “Mbajtje pa leje dhe prodhimi i armëve, armëve shpërthyese dhe i municionit” në formën e mbajtjes së armëve të zjarrit në ambiente publike dhe “Prodhimi dhe mbajtja pa leje e armëve të gjuetisë dhe sportive” në formën e mbajtjes së armës së gjuetisë dhe municionit, parashikuar prej neneve 79/b, 79b-22, 278/1 dhe 280 të Kodit Penal.

2. Caktimin ndaj personit nën hetim V.B, të masës së sigurimit personal “Arrest në burg” të parashikuar nga neni 238 i Kodit të Procedurës Penale.

3. Për ekzekutimin e këtij vendimi ngarkohet Prokuroria pranë Gjykatës së Shkallës së Parë të Juridiksionit të Përgjithshëm Korçë.

4. Kundër këtij vendimi mund të bëhet ankim në Gjykatën e Apelit të Juridiksionit të Përgjithshëm, brenda 5 (pesë) ditëve, duke filluar ky afat nga dita e nesërme e komunikimit të vendimit të arsyetuar të gjykatës.

U shpall nga Gjykata e Shkallës së Parë të Juridiksionit të Përgjithshëm Korçë në ambientet e Spitalit Universitar të Traumës Tiranë, sot më datë 07.06.2026″, thuhet në njoftim.

Të fundit