Flash News

Debutim i hidhur për Maran, Shqipëria mposhtet nga Izraeli

“Pelikanin kaçurrel, do ta sjellim në Surrel”, vogëlushja e përlotur mesazh Ramës nga protesta

Video/ Policia hedh ujë ndaj turmës, protesuesit çajnë gardhin metalik

Tragjedia në Shëngjin, humbin jetën 2 të rinj nga Kosova, 3 të tjerë përfundojnë në spital

U futën për t'u larë, 4 të rinj rrëmbehen nga dallgët te 'Rana e Hedhun', dyshohet për viktima

OPINEWS

Shënim i gjatë për ata që nuk i zë leximi

Politiko 3 Qershor 2026, 08:03

Shënim i gjatë për ata që nuk i zë leximi

Hysni Gurra

Shumë naivë, por edhe të ligj, pikëpyetjet që kam ngritur për këtë protestën për Zvërnecin më sulmojnë sikur me qenë terroristë dhe jo ambientalistë.
Dhe para se t’i iki kësaj personales, unë nuk kam thënë asnjë moment që kjo protestë duhet të udhëhiqej nga Sali Berisha apo Partia Demokratike, as që e mendoj këtë. Brisha dhe PD duhet të bëjnë vetëm një gjë me këtë protestë në këndvështrimin tim; ta përdorin si pasqyrë për të parë veten ku janë dhe po të duan të reflektojnë, si partia më e madhe opozitare aktualisht. Po e bënë qari tyre, po nuk e bënë qederi po i tyri është.
Për naivët:
Shumë njerëz kanë filluar, me të drejtë ose jo, të shpresojnë që lëvizja për mbrojtjen e Zvërnecit të shndërrohet në një lëvizje më të gjerë për përmbysjen e klasës politike që ka dominuar jetën publike shqiptare për rreth 35 vjet. Kjo është një pritshmëri e kuptueshme në një shoqëri ku pakënaqësia ndaj politikës është e madhe dhe ku çdo protestë qytetare shihet si një mundësi për ndryshim më të thellë.
Çdokush ka të drejtë të besojë në atë që i duket më bindëse. Megjithatë, sipas meje, kjo protestë, e cila nisi e pastër dhe e sinqertë në vendin ku ndodhi ajo që shumë e konsiderojnë një krim ndaj natyrës, në Zvërnec, humbi një pjesë të autenticitetit të saj sapo u zhvendos në Tiranë dhe mori ngjyrime të qarta politike. Që nga ai moment, fokusi nisi të largohej nga çështja konkrete e mbrojtjes së zonës dhe të zhvendosej drejt debateve të zakonshme politike. Kjo, në vend që ta forcojë kauzën e Zvërnecit, rrezikon ta dëmtojë atë, sepse e bën më të lehtë që çështja të perceptohet si pjesë e përplasjes së përditshme politike dhe jo si një shqetësim i vërtetë qytetar. Këtu e kam fjalën për partiçkat politike që i kanë hyrë mu në zemër protestës për 48 orë.
Për mjedisorët
Kësaj proteste i mungon lënda e parë mbi të cilën të mbështetet një lëvizje e tillë. Shqiptarët, fatkeqësisht, nuk janë shquar historikisht për një ndjeshmëri të lartë ndaj çështjeve mjedisore. Po të ishte ndryshe, pyjet nuk do të ishin prerë në përmasa kaq të mëdha ndër vite. Po të kishte më shumë ndërgjegjësim për florën dhe faunën, nuk do të shihnim mbeturina të hedhura kudo, lumenj e brigje të ndotura, apo gjuetinë pa kriter që vazhdon ende në shumë zona. Nuk do të përdorej dinamit për të kapur peshq dhe as do të vriteshin shpendë e gjitarë në çdo stinë. Kjo tregon se, megjithëse ka individë dhe grupe të angazhuara për mbrojtjen e natyrës, ndërgjegjësimi mjedisor në nivel shoqëror mbetet ende i kufizuar dhe nuk përbën një forcë të mjaftueshme për të mbështetur një lëvizje të madhe politike me bazë mjedisore.
Për njerëzit e medias:
Ju që sot shani e pështyni Edi Ramën dhe e shihni shpëtimin te Arlind Qori e Gon Shehaj, më së pari duhet t’u kërkoni falje shqiptarëve se jeni kontributorët më të mëdhenj për ngjitjen e Edi Ramës në majën e pushtetit duke mashtruar në banaqet televizive dhe shtypin e shkruar dhe duke ua shitur atë si njeri vizionar. Për të mos përmendur emra, po them “kolektivi” i Gazetës Koha Jonë etj. Ligjin për investitorët strategjikë dhe zonat e mbrojtura, të dashur njerëz të medias, e ka bërë vizionari juaj, Edi Rama.
Në fund: Logjikisht kjo lëvizje, po të mos politizohej, do duhet të çonte në krijimin e një partie të gjelbër. Po Shqipëria edhe atë e ka patur, dhe kulmin e vet ajo parti e ka arritur me Lufter Xhuvelin, është djegur edhe ky si variant dmth.
Dhe e fundit fare, se 90% e atyre që udhëheqin protestën janë dashnorë të SPAK: A e pyesni pak Altin Dumanin pse në mëngjes shpërndau lajm se ka sekuestruar kompaninë e atyre të Katarit dhe Kushner dhe në darkë i grisi letrat e sekuestros?

Të fundit