Flash News

Tri mënyra të mirëprovuara për të demontuar një autokrat

Trafikimi i qenieve njerëzore/ Zbulohen 4 laboratorë me pasaporta shqiptare të falsifikuara në Greqi

U arrestua në Durrës, kush është “Akili” që përdorte 25 identitete, i shpëtoi 5 atentateve

Aksioni i RENEA-s, arrestohet në Durrës Xhevdet Plaku, i njohur me nofkën “Akili”

RENEA aksion në Durrës, kontrolle në Sukth e Shijak

POLITIKOFF

Deklarata e Eleni Foureira: Jam krenare që jam shqiptare, por Greqia është vendi që dua

Politiko 17 Shkurt 2022, 16:41

Deklarata e Eleni Foureira: Jam krenare që jam shqiptare, por Greqia

Entela Fureraj, e cila njihet me emrin e artit si Eleni Foureira, ka pasur një histori komplekse në deklaratat e saj për prejardhjen shqiptare. Eleni ka lindur me 7 mars në vitin 1987 në qytetin e Fierit.

Më vonë, ajo dhe familja e saj u shpërngulën në Greqi dhe vite më pas ajo ndoqi karrierën si muzikante. Në fillim, Eleni e mohoi origjinën e saj greke por pastaj foli hapur dhe pranoi me krenari që është shqiptare por asnjëherë nuk ka fshehur dhe dashurinë që ka për Greqinë.

Në një intervistë së fundmi për mediat greke, artistja është shprehur se: “Ndihem krenare që jam shqiptare por Greqia është vendi që dua”.

Këngëtarja tha po ashtu se është larguar nga Shqipëria mjaft e vogël, në momentin kur po zhvillohej lufta civile.

“Erdha në Greqi për shkak të luftës civile në Shqipëri. Isha rreth 8-9 vjeç. Nga fëmijëra mbaj mend vetëm kujtimet e bukura, ndërsa jam munduar të fshij momentet e këqija, si lufta civile. Babai im në atë kohë punonte në Greqi për të fituar para. Ai na dërgoi në taksi për të na sjellë në Greqi dhe atë ditë nuk e kam harruar kurrë. Në Shqipëri nëna ime ishte vetëm me 4 fëmijë të mitur. Nëa ime mbante një armë gjahu në shtëpi dhe mbasditeve qëllonte në ajër për të treguar se kishte armë që ne të mos rrezikoheshim. Ishte një heroinë. Kur mami më tha që do largoheshim nuk doja, ishte e vështirë për mua. Ditën kur dola nga shtëpia fillova të qaja,”- tregoi Eleni Foureira.

Eleni ka rrëfyer gjithashtu në këtë intervistë se është ndjerë e bullizuar në Greqi, nga fëmijët kur ishte ë vogël.

“Fëmijët më bullizonin, në shkollë ishim vetëm dy fëmijë nga Shqipëria dhe në atë periudhë shqiptarët nuk pranoheshin nga shoqëria. Jam krenare që kam lindur në Shqipëri, por Greqia është atdheu im, e dua. Është vendi që dua."

Të fundit