Flash News

Nuk e lejojnë të kandidojë si i pavarur, Merkuri kallëzon penalisht kreun e degës së PS në Sarandë

Largohet nga radhët e Alibeajt , kandidati i PD-së për këshilltar në Durrës tërhiqet nga gara dhe i bashkohet koalicionit

“Ky despot sot ka në dorë të gjitha pushtetet”, Berisha: Qëllimi i Ramës ishte Shqipëria pa opozitë

Situata e COVID-19 në Shqipëri. Një humbje jete, ja sa të infektuar pati në 24 orët e fundit

Rrëzimi i dy helikopterëve në SHBA: Konfirmohen nëntë të vdekur

POLITIKOFF

Nga vitet e vështira të fëmijërisë në Shqipëri te racizmin në Greqi, rrëfehet Eleni Foureira

Politiko 31 Janar 2023, 14:25

Nga vitet e vështira të fëmijërisë në

Eleni Foureira është një nga emrat më të suksesshëm në Greqi dhe jo vetëm. Sidomos pas pjesëmarrjes në "Eurovision" ajo ka marrë famë kudo në Europë. Teksa shpesh ka qenë pjesë e polemikave për origjinën shqiptare si në vendin tonë ashtu edhe në Greqi.

Në një intervistë për “Vogue Greece”, Eleni ka treguar për vitet e vështira të fëmijërisë që ka kaluar në Shqipëri, për racizmin që ka vuajtur në Greqi, pjesëmarrjen në Eurovizion, si dhe për ëndrrën e saj për të bërë karrierë jashtë vendit.

Duke iu referuar fillimit të karrierës së saj dhe sesi duhej të fshihte origjinën e saj, këngëtarja tha: “Unë isha nga Shqipëria, sikur kjo të ishte diçka e keqe. Pastaj nuk e mbajta dot veten, edhe TV ishte ndryshe, më i dhunshëm. Mendoj se nëse do të filloja sot, njerëzit nuk do t’i linin ta bënin këtë me mua. Bota sot po shkon kundër racizmit, nuk po e lë të lulëzojë dhe kjo është shumë e rëndësishme”, tha këngëtarja.


Foureira tregoi se fëmijëria e saj ka qenë e vështirë për shkak të varfërisë dhe luftës në Shqipëri.

“Nuk mund ta krahasoj mënyrën se si do të rritet fëmija im me atë se si u rrita unë. Kam përjetuar një situatë tjetër. Varfëria, lufta civile në Shqipëri, migrimi në Greqi, një mënyrë e madhe për të ripërcaktuar jetën time në një moshë shumë të re. Në të njëjtën kohë, me dashuri të pakufizuar nga prindërit e mi. E gjithë kjo më bëri shumë të ndjeshme por edhe shumë të vështirë në të njëjtën kohë. Dhjetë vjet më parë shpërndaja fletëpalosje në rrugë. Ne duhej të mbijetonim. Nuk kishte asnjë vend që të gjithë ne të mos punojmë. Unë do të rris një fëmijë që nuk do të duhet ta bëjë këtë për të mbijetuar. Por dua t’i mësoj atij se asgjë nuk të vjen kaq lirshëm, dua që ai ta dijë se për të pasur diçka duhet të punojë shumë, ashtu siç kam punuar shumë për t’i ofruar atë që do t’i ofroj”, tha ajo.

Të fundit