Flash News

Sondazhi/ PD renditet forca e parë në Shkodër

Breshëri plumbash drejt makinës, plagoset shqiptari në Zvicër

Ndërtoi pa leje hotelin, Prokuroria e Gjirokastrës sekuestron objektin, lihet në burg pronari

Ndërpritet energjia në Spanjë dhe Portugali, 'paralizohen' shërbimet

Richard Grenell reagon ndaj lajmit te ribotuar nga Politiko: Është i pavërtetë!

POLITIKOFF

"Nuk pranohesha në shoqëri", Eleni Foureira flet për mbajtjen të fshehtë të origjinës shqiptare: Greqia është atdheu im, vendi që dua

Politiko 9 Shkurt 2021, 16:49

"Nuk pranohesha në shoqëri", Eleni Foureira flet për

Këngëtarja me origjinë shqiptare e cila prej vitesh jeton në Greqi - qëkur ishte e vogël - Eleni Foureira, ka krijuar një karrierë mjaft të konsoliduar, sukses që ka kaluar dhe kufijtë grek.

Këngëtarja tanimë e tregon me zë të lartë që është shqiptare - origjinës së saj ju dha jehonë edhe në Eurovizion para disa vitesh, ku për herë të parë tre shqiptarë garonin për tre shtete të ndryshme: Eleni, Eugent Bushpepa dhe Ermal Meta.

Por më parë, Eleni e ka fshehur origjinën e saj. I ka mohuar rrënjët shqiptare. Këngëtarja ka shpjeguar se këtë e ka bërë për shkak se është ndjerë e mënjanuar nga shoqëria dhe se nuk pranohej për shkak të origjinës.

”Kur je një fëmijë dhe nuk pranohesh nga shoqëria për shkak të origjinës, ndihesh e dobët dhe ke frikë se nuk do të jepet mundësia. Kur kuptova që njerëzit e donin Elenin, ndjeva fuqinë për ta thënë atë. Emri im i vërtetë është Entela Fureraj. Arrita në pikën kur kisha frika të them nga isha. Jo të gjithë më duan por ndihem mirë dhe me këtë. Jam krenare që kam lindur në Shqipëri, por Greqia është atdheu im, unë e dua. Është vendi që unë e dua”, ka thënë ajo në një program grek.

Por këngëtarja tregon po ashtu dhe dashurinë që ka ndaj Greqisë dhe që e konsideron atdheun e saj:

"Greqia është e tërë jeta ime, kjo është vendlindja ime. Buka kishte shije tjetër. Por e kisha të vështirë të kuptoja pse fëmijët na ngacmonin. Në shkollë kishte dy fëmijë të huaj nga Shqipëria. Shqiptarët nuk pranoheshin në atë kohë nga shoqëria."

Të fundit