Flash News

Pjesë e një grupi kriminal, arrestohet në Tiranë 54-vjeçari (Emri)

Kapet me armë zjarri në valixhe, arrestohet në Rinas shqiptaro-kanadezi (EMRI)

Kërkon lirinë, Gjykata e Lartë shqyrton më 8 korrik rekursin e Veliajt

Aksident në aksin Delvinë-Sarandë, "Toyota" del nga rruga, plagoset shoferi

Nis sot rinumërimi i votave të 11 Majit në 4 bashki, ku rrezikohen mandatet?

Ditari i Opozitës

Artistë, mjekë, ish-ministra, emrat risi që kandidojnë për Këshillin Kombëtar të PD

Politiko 29 Prill 2022, 16:25

Artistë, mjekë, ish-ministra, emrat risi që kandidojnë

Komisioni i Rithemelimit ka bërë publike listën e kandidatëve për Këshillin e ri Kombëtar të Partisë Demokratike.

Në mbledhjen e nesërme të Kuvendit Kombëtar rreth 1800 delegatë do të zgjedhin mes 420 kandidatësh për 150 vende në Këshillin e ri Kombëtar.

Në listën e publikuar kanë rënë në sy jo vetëm figura të reja mes artistësh, apo mjekë të njohur, por edhe figura të ‘vjetra’ së Partisë Demokratike.

Kështu, në listë kandidatë janë ish ministrat Arben Imami, Ardian Turku, Florion Mima dhe Myqerem Tafaj.

Pjesë e listës janë edhe ish deputetët Adriana Gjonaj, Albina Deda, Aleksandër Biberaj si dhe përfaqësues nga minoriteti grek, Spiro Ksera e Kosta Barka, ndërsa jashtë Këshillit Kombëtar do të mbetën përkrahësit e Enkelejd Alibeajt. 

Mes artistëve bien në sy emrat e Bujar Kapexhiut, Bleona Qerretit, Renis Gjokës, Julian Dedës, Rubens Shimës, Rajmonda Bulkut, Fioralba Dizdari, regjisori Robert Budina, Kastriot Çipi,

Edhe mjeku i njohur, epidemiolog Ilir Alimehmeti është renditur në listat e kandidatëve, i cili dy ditë më parë u shfaq në krah të ish-kryeministrit Sali Berisha në bashkëbisedimin me pedagogë mbi sfidat e arsimit të lartë.

Kuvendi Kombëtar i Partisë Demokratike, i organizuar nga ish-kryeministri Sali Berisha do të mblidhet nesër në orën 10:00 në Pallatin e Kongreseve.

Të fundit