Flash News

Foto/ Sherr në një qendër numërimi në Kukës, policia tenton të ndalojë të riu

PD kryeson në Njësinë 2 në Tiranë

Numërohen 5 kuti në qarkun e Gjirokastrës, ja si ndahen votat

Hapen 6 kutitë e para për numërim në Kukës

Dalin shifrat nga KQZ: 42.16% e shqiptarëve brenda vendit votuan në zgjedhjet parlamentare

Ditari i Opozitës

Berisha kujton bisedën mes Azem Hajdarit dhe Ibrahim Rugovës: Kur ndodh bashkimi Kosovë-Shqipëri?

Politiko 30 Nëntor 2024, 10:31

Berisha kujton bisedën mes Azem Hajdarit dhe Ibrahim Rugovës: Kur

Kreu i PD, Sali Berisha ishte sot pjesë e konferencës shkencore - Jubilare: "Dr. Ibrahim Rugova dhe shtetformimi në Kosovë", e mbajtur në 80-vjetorin e lindjes së Presidentit historik të Kosovës nga Instituti i Studimeve të Evropës Juglindore në Tiranë.

Gjatë fjalës së mbajtur, Berisha tha se idenë e Kosovës së pavarur Ibrahim Rugova, ishte i pari që e mbolli në mendjen dhe zemrën e çdo shqiptari.

Ai kujton po ashtu, edhe bisedën mes Azem Hajdarit dhe Ibrahim Rugovës për bashkimin Kosovë-Shqipëri. 

Berisha: Ne e kemi patur këtë fat. Me gjithë problemet dhe serinë e pafundme të mbrapshtive, ne kemi patur, kemi nxjerrë gjithnjë, somitete, figura të shquara.
Shumë dëshirojnë të krahasohen me Skënderbeun, etalon, natyrisht princ i përjetshëm. Por nëqoftëse pushka dhe penda, penda dhe pushka janë dy mjetet më kryesore të njeriut për të bërë historinë, dhe në rast se Skënderbeu e bëri me shpatë, Ibrahim Rugova e bëri me mendje, e bëri me penë.
Kështu që sot ai do të ishte 80 vjeç. Nuk është, por e vërteta është se ai është midis nesh dhe i pavdekshëm me veprën e tij.
Thashë se, bëra atë krahasim në fillim sepse ai, ideja e një Kosove të lirë nuk vdiq kurrë në Kosovë. Edhe gjatë perandorisë Kosova arriti të ishte një nga pjesët më të rëndësishme, herë, herë edhe më fatale të saj.
Kosova ishte e para që ju kundërvu projektit copëtues të trojeve shqiptare. Banorët e Plavës dhe Gucisë, banorët e tjerë. Lidhja e Prizrenit ishte një, padiskutim një bashkim kombëtar. Por Kosova e pavarur nuk ishte një projekt i mëparshëm, Kosova e lirë, Kosova e Shqipërisë, këto ishin ëndërrat e shqiptarëve.
Një njeri nisi apo ngjizi në mendjen e shqiptarëve të Kosovës, një ëndërr të re; Kosova e pavarur. Në takimin e parë në shkurt të vitit 1991, i ndjeri Azem Hajdari i cili nuk kishte gjë tjetër në mendje, veç Kosova e bashkuar me Shqipërinë, rrinte e rrinte dhe e pyeste. I thoshte, po për bashkimin? Më vonë i thoshte Rugova, kjo njëherë.
Këtë ide të Kosovës së pavarur ai e mbolli në mendjen dhe zemrën e çdo shqiptari
pothuajse, në Kosovë.

Të fundit