Flash News

Protestuesit ‘pushtojnë’ rrugët e Tiranës, motoristët i bashkohen qytetarëve

Vlorë/ I riu qëllohet sapo doli nga kafja, autori e priste me motor

Plagosja me armë në Shijak, dalin emrat. Pronari i lokalit i plagosur, autori në arrati

Të shtëna me armë në Shijak

Aksident zinxhir në Morinë–Kukës

Ditari i Opozitës

"Ti je gjallë"/ Berisha përkujton Azem Hajdarin: Të hidhemi në sulm për t’u rikthyer shqiptarëve votën e lirë

Politiko 12 Shtator 2024, 11:58

"Ti je gjallë"/ Berisha përkujton Azem Hajdarin: Të

Kreu i Partisë Demokratike, Sali Berisha, përkujtuar sot 26-vjetorin e vrasjes së Azem Hajdarit.

Në postimin e tij, Berisha theksoi se Azem Hajdari, ka qenë një nga figurat kryesore të Revolucionit Demokratik të Dhjetorit 1990 dhe themelues i pluralizmit politik në Shqipëri, janë një frymëzim i vazhdueshëm për demokratët dhe shqiptarët.

Ai bëri thirrje për angazhim të ri politik për të rikthyer votën e lirë dhe fitoren e opozitës në zgjedhjet e ardhshme.

Postimi i plotë:
Azem ti je gjallë!
Demokrate e demokratë, tribuni ynë sot na thërret: Në sulm! O sot o kurrë! Në sulm! Në sulm!
Të dashur miq, sot demokratet dhe demokratët dhe mbarë shqiptarët përulen me nderimin më të madh, mirënjohjen më të pakufishme para veprës së pavdekshme të tribunit legjendar të lirisë së tyre, Azem Hajdari, të ekzekutuar më 12 shtator të vitit 1998 para selisë së Partisë Demokratike nga terroristë me uniformë të qeverisë së Partisë Socialiste. Ky atentat terrorist shtetëror ndaj Azem Hajdarit, vrasja e shekullit për Kombin Shqiptar, ishte një hakmarrje e verbër primitive e partisë së krimit ndaj kryetrimit, që në krye të lëvizjes studentore bëri më shumë se kushdo tjetër për lirinë e shqiptarve, ndaj prijësit të Revolucionit Demokratik të Studentve të Dhjetorit ‘90, themeluesit të pluralizmit politik në Shqipëri, në vendin e diktaturës staliniste më jetëgjatë në Europë.
Azem, ti je gjallë!
Të dashur miq, ata që në një akt hakmarrje të verbër ndaj Tribunit të Lirisë për përmbysjen e sistemit të baballarëve xhelat dhe mizor, kryen me 12 shtator të vitit 1998 ekzekutimin e tij, kanë marrë dhe do marrin gjithmonë për aktin e tyre makabër, ndëshkimin e historisë.
Kurse kujtimi dhe vepra e pavdekshme e Azem Hajdarit, legjendës së guximit mbinjerëzor, bëhen çdo vit që kalon më të ndritur dhe më madheshtor.
Sot 26 vite pas ekzekutimit të tij kujtimi dhe vepra e pavdekshme e Azem Hajdarit janë më frymëzuese se kurrë. Gjithnjë e më e pakufishme bëhet mirënjohja e shqiptarëve për birin e tyre që si Feniks u ngrit nga hiri dhe u riktheu atyre lirinë dhe dinjitetin e munguar. Sot demkratet dhe demokratët frymëzohen më shumë se kurrë më parë nga trimëria epike e Azem Hajdarit për tu ngritur dhe flakur sa më parë në koshin e plehrave të historisë regjimin e diktaturës së bandave, kakistokracisë dhe tradhëtisë së lartë kombëtare të Edi Ramës. Jeta dhe vepra e ndritur e Azem Hajdarit janë kushtrim për çdo demokrat dhe demokrate, anëtarë të thejshtë, mbështetës të Partisë Demokratike, drejtues të strukturave në të gjitha nivelet e saj, të hidhemi në sulm për t’ ju rikthyer shqiptarëve votën e lirë dhe fitoren e opozitës shqiptare në zgjedhjet e ardhshme
Demokrate dhe demokratë tribuni ynë sot na therret: O sot o kurrë! Në sulm! Në sulm!
Azem ti je gjallë! #sb